Génesis 4:20 - Biblia

²⁰ Jare Ada imembɨ kuimbae oa, Jabal jee wae. Jabal ko jae tenonde uruwatase jëta wakapi pewa wae jare mbaemɨmba tëta rupiwa umɨñemoña wae.

Génesis 4:20 Iomraidhean Croise

Génesis 25:27

Tuicha ma reta yawe, Esaú jewaerekaa ikatuete wae ko, jare ikɨrëɨñoi uwata ñana rupi wae. Erëi Jacob iko kunumi ipɨawiwe wae, jare ikɨrëɨñoi iko tëta rupiño.

Génesis 4:19

Jare Lamec ukuakuaa ma yawe, jae jembireko mokui – pëti jee Ada, jare ïruwe jee Zila.

Génesis 4:2

Joko wi Eva ipurúa ye jare oa Caín tɨwɨ Abel jee wae. Jayawe Caín jare Abel ukuakuaa ma yawe, Abel ko jae owecha umɨñemoña wae. Jare Caín ko jae koo pe uparawɨkɨ wae.

Génesis 4:21

Jare Jabal tɨwɨ jee Jubal. Jubal ko jae tenonde ikatuete umaembopu wae jare uyemimbɨ wae.

San Juan 8:44

“Añawasu ko jae peru. Jare jokua mbaembae jae uipota uyapo wae, jokua nunga etei ko pe reta pipota piyapo peï wi. Añawasu iyɨpɨ wiwe upuruyuka wae ko. Jare jae opa ueya mbaembae jupi wae, echa’ä jae ko mbaembae kachi wae iya. Jare jae iyapu yawe, jae etei uyekuaaka oï, echa’ä jae ko iyapu wae jare jae etei ko apu iya,” jei chupe reta.

Hebreos 11:9

Jare oo uwäe yawe jokua ɨwɨ pe, Abraham uyakao joko pe ipɨawiwe rewe. Echa’ä jae wɨrowia Tumpa re, jare Tumpa jei ma chupe: “Kua ɨwɨ ameeta aï ndewe ndeɨwɨrä jare niñemoñaa reta iɨwɨrä,” jei chupe. Jare Tumpa jukuäraiete jei wi Abraham taɨ Isaac pe jare jumɨmino Jacob pe. Erëi yepe tëi jae reta ko jokua ɨwɨ iyarä etei, erëi jesewe jekuaeño yureko joko pe o wakapi pewa pe ambɨe ɨwɨ pewa echa rami.