Génesis 4:2 - Biblia

² Joko wi Eva ipurúa ye jare oa Caín tɨwɨ Abel jee wae. Jayawe Caín jare Abel ukuakuaa ma yawe, Abel ko jae owecha umɨñemoña wae. Jare Caín ko jae koo pe uparawɨkɨ wae.

Génesis 4:2 Iomraidhean Croise

Génesis 3:23

Jáeramo Tumpa omoë mbaewɨyerenda Edén wi kuimbae, joko wiwe iko waerä maetɨ re. Tumpa uyapo jokua kuimbae ɨwɨ wi etei jare añawe jae imeta ko umaetɨ ɨwɨ pe onoi waerä jembiurä.

Génesis 37:13

Jare mbowɨ ara ma yuweru yewɨ'ä yureko reta. Jayawe Jacob jei José pe: “Nderɨkeɨ reta ime uyandareko ñonoï cheowecha reta re Siquem pe,” jei. “Ekua emae nderɨkeɨ reta re kërái ra oï reta wae. Jare eru che kuri ñee ipɨau wae jesewa reta jare cheowecha reta rewa,” jei chupe. Jayawe José jei tu pe: “Taa jayawe,” jei chupe. Jayawe Jacob omondo José ɨwɨ ipe tuicha Hebrón jee wae wi.

Génesis 4:1

Joko wi Adán jembireko Eva ipurúa jare oa imembɨ kuimbae. Jare Eva umbɨjee Caín, echa’ä Eva jei: “Tumpa umee chewe chemembɨrä kuimbae,” jei.

Génesis 4:3

Amokue año uasa ma yawe, pëti ara Caín ueru umee waerä Tumpa pe amokue imbaewɨye iko pewa.

Génesis 9:20

Jayawe Noé umbɨpɨ uparawɨkɨ koo rupi jare uyapo uvaruparä.

Éxodo 3:1

Pëti ara Moisés oo umɨngaru waerä jowaya Jetro iowecha reta. Jare wɨraa warasɨ uike wae kotɨ ɨwɨtini wasu kutɨ katu kapii ime wae pe. Jare wɨraa uruwäe reta ɨwɨtu wasu Horeb jee wae pe, jokua ɨwɨtu wasu Tumpa oñono tee jae imaerä wae pe.

San Lucas 11:50

“Jare jokua nungaete wi pe añawe peï wae reta piyapo peï. Jáeramo jokua jeko pewa pe reta penoita teko opaete jokua kuimbae Tumpa ombou wae reta imano re ɨwɨ uyembɨpɨ wiwe

San Lucas 11:51

– jae ko Abel wiwe Zacarías rewa. Jokua Zacarías, peramɨkue reta uyuka tupao wasu joka mbɨte pe etei,” jei. “Erëi yepe tëi peramɨkue reta ko opa uyuka reta, erëi Tumpa pembɨjekota oï wi pe añawe peï wae reta opaete jae reta imano re. Kua che jae pewe wae añetete ko,” jei chupe.

San Juan 8:44

“Añawasu ko jae peru. Jare jokua mbaembae jae uipota uyapo wae, jokua nunga etei ko pe reta pipota piyapo peï wi. Añawasu iyɨpɨ wiwe upuruyuka wae ko. Jare jae opa ueya mbaembae jupi wae, echa’ä jae ko mbaembae kachi wae iya. Jare jae iyapu yawe, jae etei uyekuaaka oï, echa’ä jae ko iyapu wae jare jae etei ko apu iya,” jei chupe reta.

1 Juan 3:10

Jukuärái ko yandepuere yaikuaa kía ra ko jae Tumpa taɨ reta wae jare kía ra ko jae Añawasu taɨ reta wae. Opaete mbae jupi mbae uyapo wae reta Tumpa pewa’ä ko. Jare jae nunga wi opaete uau’ä japicha wae reta Tumpa pewa’ä ko wi.

1 Juan 3:12

Awɨye yaiko Caín rami. Caín Añawasu pewa ko jare uyuka tɨwɨ. Jare ¿mbae jeko pewa ra uyuka? Echa’ä Caín jeko kachi ko, erëi tɨwɨ uyapo jupi wae.

1 Juan 3:15

Jare ime yawe kía uñamɨtäa umae ïru hermano re wae, Tumpa pewarä jae upuruyuka ma. Jare pe reta pikuaa kawi pëti upuruyuka wae mbaetɨ etei ko onoi tekowe opa mbae wae.