Génesis 4:15 - Biblia

¹⁵ Jayawe Tumpa jei chupe: “Mbaetɨta ko jukuärái,” jei. “Kía nunga wae ndeyuka yawe, aiporarakaeteta ko chupe chiu wese ye ndewi,” jei chupe. Jare Tumpa oñono pëti marka Caín re, jukuärái kía nunga wae uecha yawe, uyukata’ä.

Génesis 4:15 Iomraidhean Croise

Génesis 4:24

Tumpa uiporarakata chiu wese ye kía nunga wae pe uyuka yawe Caín. Erëi kía nunga wae chembɨpereño yawe, jae uiporarata setenta y siete wese yewɨ.” Jukuärái jei.

San Mateo 26:52

Jayawe Jesús jei jokua jemimboe pe: “Iñono ye ndekɨsepuku jɨru pe. Echa’ä opaete kía ñeräro reño iko wae jare upuruyuka wae jukuäraiño ko umanota oï,” jei chupe.

Apocalipsis 14:11

“Jare jokua tata jae reta uiporarata ñonoï pɨpe wae jae ko tata owe mbae wae. Ara rupi jare pɨ̈tu rupi uiporarata reta, jare ndarau michi pewa yepe uputuu reta,” jei. “Jukuärái uyeyapota opaete jokua tenondewa bestia re jare jae jaanga re umbɨadora wae reta pe, jare opaete bestia imarka onoi wae reta pe. Jokua marka ko jae bestia jee,” jei.

Apocalipsis 14:9

Jayawe jokua araɨwa jaɨkue rupi uyekuaa ïru araɨwa. Kua re uyekuaa mbapɨ ma. Jare jae jei usapɨkai rewe: “Opaete jokua tenondewa bestia re jare jae jaanga re umbɨadora wae reta uikuaata ñonoï Tumpa iarasɨ wasu. Jare jae nunga wi jokua bestia imarka ime onoi jesɨwa re ani ipo re wae reta uikuaata ñonoï wi Tumpa iarasɨ wasu. Echa’ä Tumpa pochɨete chupe reta jare täta rupi uiporarakata chupe reta,” jei. “Jae reta uiporarata tata pe jare azufre jendɨ oï wae pe araɨwa Tumpa oñono tee wae reta jowai jare Owecha kuimbae taurusu wae jowai,” jei.