Génesis 4:14 - Biblia

¹⁴ “¡Mase! Añawe nde chemombo ma neï kua ɨwɨ wi. Mbaetɨta ma chepuere ayu nderowai. Jare opaete kerupi ambɨe ɨwɨ pewa rami awatata. Jare ipotawe kía cherecha wae cheyukata ko,” jei.

Génesis 4:14 Iomraidhean Croise

Génesis 3:24

Jare omoë ma yawe kuimbae mbaewɨyerenda wi, Tumpa oñono araɨwa reta, kerubín jei chupe reta wae, mbaewɨyerenda warasɨ oë wae kotɨ. Jare oñono wi kɨsepuku jendɨ wae uyembɨwawa oï awɨye waerä kiawe oya ɨwɨra ía tekowe umee wae re.

Génesis 4:13

Jayawe Caín ipɨatɨtɨete jare jei Tumpa pe: “Kua ndiporarakata neï chewe wae chepuereta’ä amɨawäta,” jei.

San Mateo 25:41

“Joko wi che jaeta cheaso kotɨ ñonoï wae reta pe: ‘Pesɨrɨ chewi tata owe mbae wae pe. Jokua tata uyeyapɨkatu ma oï Añawasu jare araɨwakue chupe uyeyokui wae reta pewarä. Joko pe pikuaata peï Tumpa iarasɨ.

San Mateo 25:46

“Jayawe jae reta yuraata kiape uiporarata ñonoï jaeño mái pewa wae pe. Erëi jokua jupi wae reta yuraata tekowe opa mbae wae pe.” Jukuärái Jesús jei jemimboe reta pe.

2 Tesalonicenses 1:9

Jáeramo jokua jeko pewa Tumpa opata omombo reta Tatawasurenda pe, jare joko pe jae reta uiporarata ñonoï jaeño mái pewa mbɨrɨete yandeYa wi. Jare ndarau etei uecha reta yandeYa imbaepuere jembipete wae.