Génesis 4:13 - Biblia

¹³ Jayawe Caín ipɨatɨtɨete jare jei Tumpa pe: “Kua ndiporarakata neï chewe wae chepuereta’ä amɨawäta,” jei.

Génesis 4:13 Iomraidhean Croise

Génesis 4:12

Añawe wiwe, yepe tëi ndeparawɨkɨta täta ndeko pe, erëi yawɨyeta’ä ma ndewe mbae awe. Jare ndewatata opaete kerupi rupi jare ndikota ambɨe ɨwɨ pewa rami opaete ɨwɨ rupi ndeota wae rupi,” jei chupe.

Génesis 4:14

“¡Mase! Añawe nde chemombo ma neï kua ɨwɨ wi. Mbaetɨta ma chepuere ayu nderowai. Jare opaete kerupi ambɨe ɨwɨ pewa rami awatata. Jare ipotawe kía cherecha wae cheyukata ko,” jei.

Apocalipsis 16:21

Jare ara wi oa amandau tuicha tuicha wae ɨwɨ pewa reta re. Jare pëti pëti amandau poɨ cuarenta kilo rupi. Jare ɨwɨ pewa reta jei ñee ikawi mbae wae Tumpa kotɨ amandau wasu jeko pewa, echa’ä jokua mbaesusere ikawi’äete ye ko ramo.

Apocalipsis 16:9

Jare warasɨ jasɨete ramo, ɨwɨ pewa reta ipire uapɨ chuwi. Jáeramo jae reta jei ñee ikawi mbae wae Tumpa kotɨ. Jae reta uikuaa tëi Tumpa ime onoi mbaepuere opaete kua mbaesusere reta re. Erëi jesewe jae reta uipota’ä etei ueya ipɨayemɨngeta jupi mbae wae, jare umbutuicha’äñoi reta Tumpa jee.