Génesis 4:11 - Biblia

¹¹ “Jáeramo, añawe kua ndiyapo jeko pewa, ndiko kawita’ä neï. Che nomoëta kua ɨwɨ wi, echa’ä ndepo pe etei ndepɨyere nderɨwɨ juwɨ kua ɨwɨ re ramo.

Génesis 4:11 Iomraidhean Croise

Génesis 3:14

Jayawe Tumpa jei mboi pe: “Kua ndiyapo jeko pewa che ayepɨpeyu aï nderé opaete mbaemɨmba reta ipɨte wi – jae ko ñana rupiwa jare tëta rupiwa reta,” jei. “Ndepɨtía re ndiyewichɨta ndewata, jare ndeuta ɨwɨkuí nderekowe opa rewa.

Génesis 4:14

“¡Mase! Añawe nde chemombo ma neï kua ɨwɨ wi. Mbaetɨta ma chepuere ayu nderowai. Jare opaete kerupi ambɨe ɨwɨ pewa rami awatata. Jare ipotawe kía cherecha wae cheyukata ko,” jei.

Génesis 5:29

Jare umbɨjee Noé, echa’ä jei: “Tumpa uyepɨpeyu kua ɨwɨ re; jáeramo yaparawɨkɨta ko täta ime waerä yanderembiurä. Erëi kua ko jae yanembuputuuta yandeparawɨkɨ täta wi,” jei.

Gálatas 3:10

Erëi opaete kía Moisés arakae uikuatía wae rupi uipota tëi uyembujupika Tumpa kotɨ wae reta, jae reta añetete ko ñonoï Tumpa iarasɨ pe. Echa’ä Tumpa iñeerɨru pe uyekuatía oï kuärái: “Kía mbaetɨ uyapo yawe opaetei Tumpa uikuatiaka wae rupi, Tumpa iarasɨ toa jese.” Jukuärái uyekuatía oï.

Apocalipsis 12:16

Erëi ɨwɨ etei omborɨ kuña, echa’ä ɨwɨ uyepea kërái yandeyuru yaipea rami. Jare jokua dragón iyuru wi ɨ wasu rami omondo wae opa ukañɨ ɨwɨ uyepea wae pe.