Génesis 4:10 - Biblia

¹⁰ Jare Tumpa jei chupe: “¿Mbae pa ndiyapo?” jei. “Aecha ndiyuka nderɨwɨ. Jare jae juwɨ ɨwɨ pe oï wae usapɨkai echa oï chewe aiporaraka waerä ndewe nderɨwɨ ndiyuka ramo,” jei.

Génesis 4:10 Iomraidhean Croise

Génesis 18:20

Jayawe Tumpa jei Abraham pe: “Jeräkua ma opaete rupi tëta wasu reta Sodoma jare Gomorra pewa reta jeko kachiete ma reta.

Génesis 3:13

Jáeramo Tumpa upɨrandu kuña pe: “¿Mbae pa ndiyapo?” jei. Jare kuña jei chupe: “Mboi chembɨtawɨ; jáeramo che jau,” jei.

Génesis 9:5

“Awɨye piyeyuka,” jei. “Mbaemɨmba uyuka yawe kuimbae, che tae pewe jokua mbaemɨmba umanota ko. Jare ipotawe kuimbae upuruyuka wae, che tae pewe umanota ko,” jei.

Éxodo 3:7

Jare Tumpa jei chupe: “Che aecha aï kërái uiporara ñonoï aiparawo wae reta ɨwɨ Egipto pe,” jei. “Ayandu ma ipüe ñonoï täta upurumɨmbarawɨkɨ wae reta jeko pewa. Jare aikuaa wi jae reta ikuasɨete ñonoï reta,” jei.

Hechos 5:3

Jayawe Pedro jei chupe: “Ananías, nde ndiyapɨsaka ma Satanás jei wae re jare nemaeño ma ndiyembɨtawɨka. Jáeramo ndipota tëi ndapu Espíritu Santo pe, jare nemɨmbɨre ndeyupe ndeɨwɨ jepɨkue,” jei.

Hechos 5:9

Jayawe Pedro jei chupe: “Piyapo ma mbae ikawi mbaete wae. Echa’ä nde jare nemekue ndiwe piyemboemboe pemboporowa waerä tëi Tumpa iEspíritu iyarakuaa. Mase, kuimbae taurusu wae reta oñotɨ neme jetekue wae, ko ma ñonoï öke pe. Jare jae reta wi ndereraata oï,” jei Pedro chupe.

Hebreos 11:4

Yanemandúa kawi ñaï Abel re. Jae wɨrowia Tumpa jei wae re; jáeramo wɨraa mbaemɨmba uyuka umee Tumpa pewarä. Jare jukuärái umee chupe mbae ikawiete wae tɨkeɨ Caín mbae umee wae wi. Jáeramo Tumpa uikuaaka yandewe jae umae Abel re jeko mbae wae rami, jare uyemɨngeta kawi jokua Abel ueru umee chupe wae re. Jare yepe tëi Abel umano, erëi jae jeko imeño yanemboe oï añawe rewa kërái yarowia waerä Tumpa re.

Hebreos 12:24

Jare yaya ma wi Jesús re. Jae rupi ko Tumpa uyapo yemɨngeta ipɨau wae yande ndiwe. Echa’ä jae upɨyere juwɨ yande yandepuere waerä ñanoi tekowe opa mbae wae. Jáeramo Jesús juwɨ ikawiete ko Abel juwɨ wi, echa’ä Abel juwɨ jaeño uyembɨjaanga oï uyepɨ wae.

Santiago 5:4

Jare jokuaño’ä ko piyapo peï. Uparawɨkɨ peko pe wae reta umbaewɨro tëi ñonoï pewe, erëi pe reta pembɨepɨ'ä etei peï chupe reta. Mase, jokua korepoti pembɨete peï chupe reta wae uñeapo oï wae echa yandeYa pe jae uiporaraka waerä pewe jokua re. Jokua umbaewɨro wae reta iyengeta ñonoï pekotɨ, jare yandeYa imbaepuerete wae uyandu oï chupe reta.

1 Samuel 13:11

Jayawe Samuel upɨrandu chupe jokua mbaemɨmba reta rewa jei rewe: “¿Marái ramo kua ndiyapo?” jei chupe. Jayawe Saúl jei chupe: “Che ayapo, echa’ä chesɨndaro reta osi wɨari ñonoï chewi,” jei. “Jare nde newäe’ä ndeyu ara nemɨanga chewe wae pe. Jae nunga wi jetaete ye filisteo reta uyembatɨ ñonoï orekotɨ joko pe tëta wasu Micmas pe.