Génesis 39:6 - Biblia

^6-7 Potifar uikuaa José uyandareko kawi opaete imbaembae reta re. Jáeramo uyembɨpɨa’ä mbae re awe, jaeño mbae nunga tembiu jouta oï wae re. Erëi jae jembireko uecha José taurusuete jare maepöra. Jáeramo ipɨa pe uipotaete umae jese. Jayawe pëti ara jae jei José pe: “Eke che ndiwe,” jei chupe.

Génesis 39:6 Iomraidhean Croise

Génesis 39:23

Joko wiwe peresorɨru iyandarekoa uyembɨpɨa’ä mbae re awe peresorɨru pe, echa’ä Tumpa omborɨ José uyandareko kawi waerä opaete re. Tumpa iko jae ndiwe; jáeramo opaete José uyapo wae ikawiete ko.

Génesis 39:4

Jáeramo Potifar uyerowia umae José re. Jayawe oñono José iko waerä imborɨarä, jare jukuärái oñono ipo pe opaete imbaembae jëta pe oï wae.

Génesis 39:8

Erëi José jei kuña pe: “¡Aipota’ä!” jei. “Mase, cheya uyembɨpɨa’ä mbae re awe, echa’ä oñono chepo pe opaete imbaembae reta,” jei.

Génesis 43:32

Jare ueru chupe reta tembiu yawe, José uwapɨ tee imesa pe. Ambɨe mesa pe Benjamín jare tɨkeɨ reta uwapɨ tee reta wi. Jare ïru Egipto pewa ukaruse José ndiwe wae reta uwapɨ tee reta wi Benjamín jare José tɨkeɨ reta wi. Echa’ä jokua ara reta rupi Egipto pewa reta ukaru’ä etei hebreo reta ndiwe umae kawi’ä jese reta ramo.

San Lucas 16:10

“Ime yawe kía uyandareko kawi mbae michi re wae, jokua nunga yandepuere yarowia katu wi uyandareko kawi waerä mbae tuicha wae re,” jei. “Jae ramiño wi ime yawe kía uyandareko kawi’ä mbae michi re wae, jokua nunga yandepuere’ä yarowia katu uyandareko waerä mbae tuicha wae re,” jei.

San Lucas 19:17

“Jayawe karái jei chupe: ‘Jaekawi ndiyapo. Nde ko jae ndiyeyokui kawi chewe wae,’ jei chupe. ‘Ndiyeyokui kawi ma chewe kua mbowɨ wae re. Jáeramo añawe che noñonota payandepo tëta wasu imburuwicharä,’ jei chupe.

Hechos 7:20

“Jokua año rupi oa Moisés. Kua sambiaɨ maepöraete wae ko. Jare mbapɨ yasɨ rupi tu jare ichɨ uyandareko jese jëta pe,” jei.

1 Samuel 16:12

Jawoi pewa Isaí omondo ueruruka taɨ taɨkuewa David jee wae. Jare taurusu wae ou uwäe yawe, Samuel uecha ipire pɨ̈tawe ko jare jesa maepöra. Pëti taurusu maepöraete wae ko. Jare Tumpa jei Samuel pe: “Epɨyere woi aceite iñäka re, echa’ä kua ko jae aiparawo wae,” jei chupe.