Génesis 39:2 - Biblia

² Erëi Tumpa iko José ndiwe jare omborɨ. Jáeramo opaete José iparawɨkɨ uyapo iya jëta pe wae ikawiete.

Génesis 39:2 Iomraidhean Croise

Génesis 28:15

“Awɨye neakañɨ. Che aïta nde ndiwe, jare ayandarekota nderé opaete kerupi ndeo wae rupi. Jare pëti ara che ndueru yeta kua ɨwɨ pe,” jei. “Ayapota ndewe opaete che jae ndewe wae, jare ndarau etei ndueya,” jei Tumpa Jacob pe.

Génesis 39:23

Joko wiwe peresorɨru iyandarekoa uyembɨpɨa’ä mbae re awe peresorɨru pe, echa’ä Tumpa omborɨ José uyandareko kawi waerä opaete re. Tumpa iko jae ndiwe; jáeramo opaete José uyapo wae ikawiete ko.

Génesis 39:3

Ɨmambaeño iya uecha kërái Tumpa iko José ndiwe, jare kërái opaete José uyapo wae ikawiete ko, echa’ä Tumpa omborɨ iko José ramo.

San Mateo 1:23

“Mase, pëti kuñatái oroke’ä etei kuimbae wae ipuruata oï jare imembɨta oï pëti kuimbae. Jare jeita chupe reta Emanuel.” Jukuärái jei Tumpa arakaete. Kua tee Emanuel uipota jei, “Tumpa yande ndiwe oï.”

Hechos 8:31

Jayawe eunuco jei Felipe pe: “¿Këraita pa chepuere aikuaa? Mbaetɨ kía uikuaaka waerä chewe,” jei. “Iyupi mii ewapɨ che ndiwe yayemɨngeta waerä,” jei chupe. Jayawe Felipe uyupi.

1 Timoteo 6:1

Jare añawe che jae ndewe kuärái: Uyeyokui wae reta wɨrowia Cristo re yawe, tuipɨu reta ipatrón wi. Echa’ä uipɨu’ä reta yawe, aramoi ïru wae reta jeita tëi yandekotɨ: “Pe reta peporomboe wae rupi perɨ̈roka peï uyeyokui wae reta pe ipatrón kotɨ,” jeita. Jukuärái iñerata reta Tumpa kotɨ jare yaporomboe wae kotɨ. Jáeramo uyeyokui wae reta tuipɨu ipatrón wi.

Josué 1:5

“Añawe wiwe nemano rewa, mbaetɨta kía ipuere nemɨamɨri wae,” jei. “Che aïta nde ndiwe Moisés ndiwe aiko wae rami. Nomborɨta aï jare ndarau ndueya,” jei chupe.

Josué 1:9

“Jayawe che jae aï ndewe kuärái: ¡Iñemɨmɨräta ndekɨye mbae rewe! Iñemɨkɨrëɨ, echa’ä che, ndeTumpa aikoño mái wae, aïta nde ndiwe opaete kerupi ndeo wae rupi.” Jukuärái jei Tumpa Josué pe.