Génesis 39:10 - Biblia

¹⁰ Jare opa ara rupi kuña jekuaeño jei chupe: “Eke che ndiwe,” jei. Erëi José uyapɨsaka’ä jese jare uipota’ä etei iko jae ndiwe.

Génesis 39:10 Iomraidhean Croise

Génesis 39:11

Pëti ara, mbaetɨ ïru uyeyokui wae reta ñonoï iya jëta pe rambuewe, José uike oo pe uyapo waerä iparawɨkɨ. Jaeño iya jembireko oï jëta pe.

Génesis 39:8

Erëi José jei kuña pe: “¡Aipota’ä!” jei. “Mase, cheya uyembɨpɨa’ä mbae re awe, echa’ä oñono chepo pe opaete imbaembae reta,” jei.

Génesis 39:9

“Cheya umee chewe mbaepuere opaete ïru uyeyokui chupe wae reta re jare opaetei imbaembae reta re. Umbɨete’ä chewe mbae awe – jaeño nde, echa’ä nde ko jae jembireko ramo. Aipota’ä etei ayapo kua mbae kachi wae, echa’ä kua mbae kachi wae rupi ayawɨta Tumpa kotɨ etei,” jei José kuña pe.

1 Corintios 15:33

Erëi awɨye piyembɨtawɨka peï jukuärái uyemɨngeta wae reta pe. Jekuaeño piñemɨïru yawe jeko kachi wae reta ndiwe, jae reta urükumewata pewi pereko kawi.

1 Corintios 6:18

Jáeramo pe reta awɨye etei piyapo awasa. Pesɨrɨ chuwi. Echa’ä jae ko mbae kachi Tumpa jowai, jare mbaetɨ etei ambɨe mbae kachi ipuere urükumewa perete wae kua mbae wi. Echa’ä kía uyapo awasa wae, jete kotɨ etei ko uyapo oï mbae kachi.

1 Tesalonicenses 5:22

Erëi piñono ikotɨ̈a peyuwi ipotawe mbae ikawi mbae wae.

1 Timoteo 5:14

Jáeramo che ambɨarakuaa kuña taurusu ime umano chuwi wae reta umenda ye waerä uipota yawe, jare imembɨ reta waerä, jare uyandareko kawi reta waerä jëta re. Jukuärái ikawi uyapo reta waerä awɨye waerä yanderowaicho reta iñera yanderé jokua nunga re.

2 Timoteo 2:22

Jayawe esɨrɨ mbaembae kachi wae wi taurusu wae reta uipotañoi uyapo wae wi. Jare jekuaeño ndereko toya katu too Tumpa jeko re. Jekuaeño tukuakuaa nderowia Tumpa re wae. Jekuaeño epuruau. Jare jekuaeño iko ndepɨakawi rewe ïru wae reta ndiwe. Jukuärái yureko opaete yandeYa re ipɨa rewe wɨrowia wae reta.

1 Pedro 2:11

Cheïru puau mii wae reta, yande ko jae kua ɨwɨ rupi uwata iko waeño. Ambɨe ɨwɨ pe opou iko waeño ko yande reta. Jáeramo che pumɨñera awɨye piko pere wae rupiño. Echa’ä jukuärái piko yawe, mbaembae pekɨrëɨ wae kachi ko Tumpa jowai jare perekowe jowaicho ko wi.