Génesis 37:8 - Biblia

⁸ Jayawe tɨkeɨ reta uñeengata reta chupe kuärái: “¿Ndikota ra nde oremburuwicha wasurä aramoi? ¿Nenoita ra mbaepuere oreré? ¡Ndarau etei!” jei reta chupe. Jare jeiete uñamɨtäa reta José ipau re imiäri chupe reta ramo.

Génesis 37:8 Iomraidhean Croise

Génesis 27:41

Joko wiwe Esaú uñamɨtäa tɨwɨ Jacob, echa’ä tu umeeka ikawi wae chupe ramo. Jayawe Esaú jei iyupe: “Ɨmambaeño cheru umanota. Jare uasa ma mbɨatɨtɨ yawe, tayuka cherɨwɨ Jacob,” jei iyupe.

Génesis 37:4

Erëi José tɨkeɨ reta uecha tu uauete José chuwi reta. Jáeramo uñamɨtäa reta tɨwɨ jare umɨngeta kawi’ä reta. Uipota mii äwe uecha reta tɨwɨ.

Génesis 37:9

Joko wi upau ye José, jare imiäri ye tɨkeɨ reta pe ipau rewa kuärái: “Apau ye jare aecha warasɨ, yasɨ, jare once yasɨtata reta uñeñono reta cherowai uipɨu rewe,” jei imiäri chupe reta.

Génesis 42:10

Erëi jae reta jei chupe: “Jukuärai’ä ko, mburuwicha,” jei. “Ore nuñemɨmichi rewe ndoyu ko ndowa waeräño orerembiurä.

Génesis 44:18

Jayawe Judá oya katu José re jare jei chupe: “Chemburuwicha, emaeño mii cheré ayemɨngeta waerä nde ndiwe kua rewa,” jei. “Awɨye mii ndepochɨ chewe. Echa’ä mburuwicha wasu rami ko nde jare ime nenoi opaete mbaepuere oreré,” jei chupe.

Éxodo 2:14

Jayawe jokua kuimbae hebreo jei Moisés pe: “¿Kía pa neñono ma oremburuwicharä nde ndere waerä orereko rewa?” jei. “¿Ndipota pa cheyuka wi, jokua kuimbae Egipto pewa káarumo ndiyuka wae rami?” jei chupe. Jokua uyandu yawe, Moisés ukɨye jare jei iyupe: “Jokua ayapo wae uñemi’ä etei ko jayawe,” jei iyupe.

San Lucas 19:14

“Erëitu jëtáɨwa reta uñamɨtäa umae jese. Jáeramo omondo reta tëi jaɨkue jei reta waerä jokua mburuwicha wasu pe: ‘Ore nduipota’ä jokua kuimbae oï waerä oremburuwicharä,’ jei reta tëi.

San Lucas 20:17

Jayawe Jesús umae ngatu jese reta jare jei: “¿Këraita pa jayawe ipuere uyeyapo Tumpa iñeerɨru pe uyekuatía oï wae? Echa’ä joko pe uyekuatía oï kuärái: ‘Jokua ita tëta iyapoa reta wɨrɨ̈ro omombo iyuwi reta wae, añawe uyeyapo ma chuwi reta ita ikawiete ye wae opaete ïru ita reta tëta pewa wi,’ jei.

Hechos 7:35

“Kua Moisés ko jae tenonde yawe yanderamɨkue reta wɨrɨ̈ro wae. Echa’ä jae reta jei chupe: “¿Kía pa neñono oremburuwicharä nde ndere waerä orereko rewa?’ jei reta. Erëi yepe tëi jae reta wɨrɨ̈ro Moisés, jesewe Tumpa omondo iko waerä jae reta imburuwicharä jare uepɨ reta waerä. Jukuärái Tumpa uyapo jokua araɨwa yái jendɨ wae pe uyekuaa chupe wae rupi,” jei chupe reta.

Hebreos 10:29

¡Oeteta oï kuri kía wɨrɨ̈ro Tumpa Taɨ yawe! Echa’ä Taɨ juwɨ rupi Tumpa uyapo yemɨngeta ipɨau wae. Erëi kía wɨrɨ̈ro Tumpa Taɨ yawe, yepe tëi jokua yemɨngeta ipɨau wae rupi jae uñeñono tee iko Tumpa pewarä, erëi jae imaerä Tumpa Taɨ juwɨ mbae’ä ko. Añetete jae Tumpa Taɨ re upɨ̈ro wae echa ko. Jare uyapo ma kachi Espíritu Santo kotɨ wi, echa’ä Espíritu Santo ipɨakawi chupe tëi.