Génesis 37:10 - Biblia

¹⁰ Kua wese José imiäri yawe tɨkeɨ reta pe, tu joko pe uyapɨsaka iko jese wi. Jayawe tu umbɨeta chupe jei rewe: “¿Mbae ra ndere neï ndepau rupi orekotɨ? ¿Aramoi che, jare ndesɨ, jare nderɨkeɨ reta imeta ra nuñemɨmichi nderowai nduipɨu rewe?” jei chupe.

Génesis 37:10 Iomraidhean Croise

Génesis 27:29

Tuiko jeta ambɨe ɨwɨ pewa reta uyeyokui ndewe waerä, jare tuñeñono reta ɨwɨ re uipɨu rewe nderowai. Tumpa tumee wi ndewe nenoi waerä mbaepuere nerëtara reta re, jare ndesɨ imembɨ reta wi tuñeñono ɨwɨ re uipɨu rewe nderowai. Jare ipotawe kía uyepɨpeyu nderé wae, toa jese yepɨpeyu. Jare ipotawe kía jei ndewe, ‘Tumpa tuyapo ikawi wae ndewe,’ jei wae, Tumpa tuyapo chupe wi ikawi wae.” Jukuärái jei Isaac Jacob pe.

Génesis 37:7

“Opa rewe yaparawɨkɨ ñaï yandeko pe yayokua ñaï trigo. Aramoiño che ayokua wae uyemboɨ, jare pe reta piyokua wae reta uyembatɨ jese iyɨpɨ rupi jare itindɨ reta che ayokua wae jowai.” Jukuärái jei imiäri chupe reta.

Génesis 37:9

Joko wi upau ye José, jare imiäri ye tɨkeɨ reta pe ipau rewa kuärái: “Apau ye jare aecha warasɨ, yasɨ, jare once yasɨtata reta uñeñono reta cherowai uipɨu rewe,” jei imiäri chupe reta.

Génesis 43:26

Joko wi José ou uwäe yawe jëta pe, jae reta umee chupe jokua mbaembae reta, jare uñeñono reta ɨwɨ re uipɨu rewe José jowai.

Génesis 43:28

Jayawe jae reta jei chupe: “Oreru imeño oï jare ikawiño oï,” jei reta chupe. Jare uñeñono ye reta ɨwɨ re José jowai uipɨu rewe.

Génesis 44:14

Jayawe Judá jare ïru reta yuweru uwäe yawe, José imeño oï jëta pe. Jayawe yuweru uñeñono reta ɨwɨ re José jowai tuicha ukɨye reta ramo.