Génesis 32:28 - Biblia

²⁸ Jare kuimbae jei Jacob pe: “Ndarau ye ma nderee Jacob. Echa’ä ndiyemboporowa ndepɨräta Tumpa ndiwe jare kuimbae reta ndiwe, jare opa ma ndepurumɨamɨri. Jáeramo añawe wiwe ko nderee Israel,” jei kuimbae Jacob pe.

Génesis 32:28 Iomraidhean Croise

Génesis 17:15

Jare Tumpa jei wi chupe: “Nembireko ndarau ye ma jee Sarai. Añawe wiwe jeeta Sara,” jei.

Génesis 17:5

“Jare ndarau ye ma nderee Abram. Añawe wiwe nderee ko Abraham, echa’ä che nduyapota aï jeta ambɨe ɨwɨ pewa reta tamɨrä.

Génesis 25:31

Erëi Jacob jei chupe: “Tenonde emee rani chewe taɨrɨpɨyekou nenoi wae. Jayawe ramo chepuere amee ndewe ndeu waerä,” jei chupe.

San Juan 1:42

Jayawe Andrés ueru Simón Jesús oï wae pe. Jayawe yuraa ma uwäe reta yawe Jesús oï wae pe, Jesús umae ngatu Simón re jare jei chupe: “Che ndukuaa. Nde ko Jonás taɨ Simón. Añawe wiwe che numbɨjeeta wi Cefas,” jei chupe. (Kua tee ko jee Pedro yande yae chupe wae.)

Apocalipsis 2:17

‘Ipotawe kía uipota uikuaa kawi wae, tuyapɨsaka kua ñee re – jae ko Espíritu Santo jei oï cheré wɨrowia wae reta pe kerupi rupi uyembatɨ ñonoï wae reta pe. ‘Ikawi mbae wae umɨamɨri wae reta pe ameeta jou waerä jokua maná ara pewa añawe uñeñomi oï wae. Jare ameeta chupe reta wi pëti ita raɨ tïi wae uyekuatía oï jese pëti tee ipɨau wae. Jare jokua tee uikuaata’ä kiawe – jaeño jokua ameeta chupe wae uikuaata.’ Jukuärái ikuatía,” jei chewe.