Génesis 3:4 - Biblia

⁴ Jayawe mboi jei kuña pe: “Pe reta ndarau pemano,” jei.

Génesis 3:4 Iomraidhean Croise

Génesis 3:13

Jáeramo Tumpa upɨrandu kuña pe: “¿Mbae pa ndiyapo?” jei. Jare kuña jei chupe: “Mboi chembɨtawɨ; jáeramo che jau,” jei.

Génesis 3:3

Erëi pëtiño ɨwɨra ía mbaewɨyerenda mbɨte pe oï wae orepuere’ä ndou. Echa’ä Tumpa jei orewe: ‘Jokua ɨwɨra ía awɨye peu. Awɨye awe pipɨsɨ awɨye pemano waerä,’ jei Tumpa orewe.” Jukuärái jei kuña mboi pe.

San Juan 8:44

“Añawasu ko jae peru. Jare jokua mbaembae jae uipota uyapo wae, jokua nunga etei ko pe reta pipota piyapo peï wi. Añawasu iyɨpɨ wiwe upuruyuka wae ko. Jare jae opa ueya mbaembae jupi wae, echa’ä jae ko mbaembae kachi wae iya. Jare jae iyapu yawe, jae etei uyekuaaka oï, echa’ä jae ko iyapu wae jare jae etei ko apu iya,” jei chupe reta.

2 Corintios 11:3

Erëi che ayembɨpɨa’ä aï peré. Aramoi pemaeñota piyembɨtawɨka kërái Eva uyembɨtawɨka jokua mboi ikatuete iyapu wae pe, jare jukuärái pikota’ä ma pekɨrëɨ ngatu rewe Cristo pewarä.

1 Timoteo 2:14

Jare Adán uyembɨtawɨka’ä Añawasu pe. Kuña ko uyembɨtawɨka, jare jukuärái uyawɨ Tumpa kotɨ.