Génesis 3:17 - Biblia

¹⁷ Jare Tumpa jei Adán pe: “Nembireko jei wae ndiyapo ramo, jare ndeu jokua ɨwɨra ía che jae ndewe awɨyeta tëi ndeu wae ramo, añawe ayepɨpeyuta ɨwɨ re ndereko pewa,” jei. “Añawe wiwe jeta yembɨawái rewe ndeparawɨkɨta ime waerä nderembiurä nderekowe opa rewa.

Génesis 3:17 Iomraidhean Croise

Génesis 3:11

Jayawe Tumpa upɨrandu chupe: “¿Kía pa jei ndewe nenani neï wae? ¿Ndeu pa jokua ɨwɨra ía che jae ndewe awɨyeta tëi ndeu wae?” jei.

Génesis 3:18

Ndeko pe jeñɨta ñuräti jare ñana ikawi mbae wae reta. Jare mbaewɨye ñana rupiwa reta ikota nderembiurä.

Génesis 3:6

Jayawe kuña umae yawe ɨwɨra ía re, uecha maepöra jare ikawi echa jou waerä. Jare uecha wi ipuere umee chupe arakuaa. Jayawe ueki ɨwɨra ía jare jou. Umee wi ime pe, jare jae jou wi.

Génesis 5:29

Jare umbɨjee Noé, echa’ä jei: “Tumpa uyepɨpeyu kua ɨwɨ re; jáeramo yaparawɨkɨta ko täta ime waerä yanderembiurä. Erëi kua ko jae yanembuputuuta yandeparawɨkɨ täta wi,” jei.

Génesis 8:21

Jayawe Tumpa uyerowia umae Noé umee chupe wae re, jare utimbo kawiete chupe. Jare Tumpa jei iyupe: “Ndarau ye ma ayepɨpeyu ɨwɨ re kuimbae reta jeko pewa,” jei. “Yepe tëi michi wiwe ipɨayemɨngeta ikawi mbae wae reño, jesewe ndarau ye ma ambái opaete jekowe wae kërái ayapo wae rami,” jei.

San Mateo 22:12

Jayawe jei chupe: ‘Cheïru, ¿kërái pa nde ndike kua pe temimonde menda pewa mbaetɨ nenoi rewe? Kua jupi’ä etei ko,’ jei chupe. Erëi kuimbae jei’ä mbae awe. Kïiño upɨta,” jei Jesús.

San Mateo 25:45

“Jayawe che jaeta chupe reta: ‘Che tae pewe añetete wae, pe reta pemborɨ'ä yawe ipotawe cherɨwɨ reta jare cherindɨ reta, che etei ko chemborɨ'ä piko. Jukuärái ko, yepe tëi jokua reta mbae’ä ko ïru wae reta pewarä aramoi,’ jaeta chupe reta,” jei.

San Lucas 19:22

“Jayawe jokua karái jei uyeyokui wae pe: ‘Nde ko jae ndiyeyokui kawi mbae chewe wae,’ jei chupe. ‘Nde ndere wae rupi etei che numbɨjekota. Nde ndikuaa kërái ko chepochɨ rái wae jare kërái apɨ̈ro ïru wae reta imbaembae chuwi wae. Jare ndikuaa wi kërái ayembɨikokatu aï ïru wae reta ipapɨ re,’ jei chupe.

San Juan 16:33

“Jare che jae aï pewe kua mbaembae piko waerä pepɨakatu rewe che rupi. Kua ɨwɨ pe peï rambuewe, pe reta piporarata peï. Erëi piñemɨkɨrëɨ, echa’ä che amɨamɨri ma towaicho kua ɨwɨ pewa,” jei chupe reta.

Romanos 3:19

Yaikuaa ñaï kua uyekuatía oï Tumpa iñeerɨru pe wae uyemɨngeta oï yande judiorä yaiko wae reta re wi. Jare uyekuatía oï jukuärái awɨye waerä yandepuere yayerepɨ Tumpa jowai. Añetete kua ñee reta rupi yaikuaa yande ñanoi teko Tumpa jowai, opaetei yande judío jare judío mbae yaiko wae reta wi.

Hebreos 6:8

Erëi jokua ɨwɨ pe jeñɨ yawe ñuräti katuii, jokua ɨwɨ ikawi’ä etei ma ko maeräwe, jare Tumpa koiño ma oï uyepɨpeyu waerä jese. Jaeño ma oï jokua ɨwɨ opa okai waerä.