Génesis 3:15 - Biblia

¹⁵ Jare ayapota nde jare kuña piyembowaicho waerä, jare jae iñemoñaa jare nde niñemoñaa wi. Jokua kuña iñemoñaa uyapasota näka, jare nde nembɨpereta ipɨtäsa pe,” jei Tumpa mboi pe.

Génesis 3:15 Iomraidhean Croise

Isaías 53:12

Jáeramo che ameeta jokua chewe uyeyokui wae pe jendarä opaete jeräkua kawiete wae reta ipɨte wi. Jare upurumɨamɨri wae reta imbaembaerä upɨ̈ro wae ikota imaerä wi, echa’ä jae jekowe umee ramo. Jeta wae reta umae jese pëti jeko kachi wae rami. Erëi añetete jeta wae reta jeko kachi re chearasɨ aitɨ jese. Jare jae ueka chewe aepɨ waerä teko onoi wae reta.” Jukuärái jei Tumpa.

Isaías 7:14

Tumpa etei uechakata ndewe kua mbae: Mase, kuñatái oroke’ä etei kuimbae wae ipuruata oï jare imembɨta oï pëti kuimbae. Jare jeita chupe reta Emanuel.

Daniel 9:26

“Jare 483 año ma uasa yawe, uyukata ñonoï reta Cristo yae chupe wae, erëi mbaetɨta mbae jae uyapo wae jeko pewa. Joko wi ɨma ma uasa yawe, uyekuaata oï ambɨe mburuwicha wasurä ambɨe ɨwɨ pewa. Erëi ndei jae uyekuaa mbowe, iɨwɨ pewa reta opata umbái Jerusalén jare tupao wasu. Opata umbái reta mbaesusere tuichaete wae rupi, jare joko wiwe ara taɨkuewa uwäe rewa imeta ñeräro reta jare mbaesusere reta. Jukuärái Tumpa jei uyeyapota oï.

San Mateo 1:23

“Mase, pëti kuñatái oroke’ä etei kuimbae wae ipuruata oï jare imembɨta oï pëti kuimbae. Jare jeita chupe reta Emanuel.” Jukuärái jei Tumpa arakaete. Kua tee Emanuel uipota jei, “Tumpa yande ndiwe oï.”

San Mateo 1:25

Erëi uyereroke’ä reta María imembɨrɨpɨ oa rewa. Jare oa María imembɨ pëti kuimbae mii jare José oñono sambiaɨ jeerä Jesús.

San Mateo 12:34

“¿Këraita ra jayawe pe pepurumbɨtawɨ wae reta pepuere pemoë ñee ikawi wae? Ndarau pepuere, echa’ä pepɨa kachi oï. Yande pëti pëti wae yandepɨa pe oï wae rupi ko yayemɨngeta,” jei.

San Mateo 13:38

“Jare jokua koo uyembɨjaanga oï opaete ɨwɨ re. Jare trigo ikawi wae uyembɨjaanga oï kía reta ikota Tumpa ndiwe wae re, Tumpa oï ma yawe opaete wae imburuwicha wasurä jaeño mái pewa. Jae reta ko Tumpa taɨ reta. Jare kapii ikawi mbae wae uyembɨjaanga oï jokua uyeyokui Añawasu pe wae reta re. Jae reta ko jae Añawasu taɨ reta.

San Mateo 23:33

“¡Pe reta ko jae upurumbɨtawɨ wae reta! ¡Jukuärái iko peramɨkue reta, jare jukuärái wi ko pe reta! ¿Këraita ra pepuere peoyepe Tumpa iarasɨ wi jare Tatawasurenda wi?” jei chupe reta.

San Mateo 3:7

Pëti ara jeta fariseo reta jare saduceo reta wi yuweru Juan oï wae pe, echa’ä jae reta uipota tëi uyembɨsakambuka ɨ pe. Erëi Juan uecha reta yawe, jei chupe reta: “¡Pe reta ko jae upurumbɨtawɨ wae reta!” jei chupe reta. “¿Këraita pa añawe pipota peoyepe waerä Tumpa iarasɨ wasu oata oï peré wae wi?” jei chupe reta.

Marcos 16:18

Jare yepe tëi aramoi uipɨsɨta reta mboi, jare yepe tëi aramoi jouta reta mbayachi, erëi ndarau mbae awe uyeyapo chupe reta. Jare oñonota reta ipo imbaerasɨ wae reta re umɨnguera waerä.” Jukuärái Jesús jei jemimboe reta pe.

San Lucas 1:76

Joko wi Zacarías jei taɨ mii pe kuärái: “Nde, cheraɨ mii,” jei chupe. “Tumpa imbaepuere tuichaete wae etei neñono jae iñee nemɨmbeu waerä. Echa’ä nde rani ndeota neï yandeYa wi nemɨmbeu waerä opaete wae pe yandeYa iwäe ara koiñoete ma oï wae.

San Lucas 10:19

“Mase, che amee ma pewe mbaepuere aña reta re. Jare kërái kía uyapaso mboi jare chumɨkaräpe wae rami, jukuärái wi pe reta pepuereta pemɨamɨri reta,” jei. “Añetete ko, yanderowaicho Añawasu ime onoi mbaepuere. Erëi che amee ma pewe mbaepuere pemɨamɨri waerä. Ndarau etei mbae ipuere uyapo pewe,” jei.

San Lucas 22:53

“Opa ara rupi che aiko pe reta ndiwe tupao wasu joka pe. ¿Maera pa joko pe chepɨsɨ'ä?” jei chupe reta. “Erëi añawe uwäe ma ora che aï waerä pepo pe. Kua ko jae ora Añawasu jare aña reta imbaepuere uyekuaa waerä michi pewa,” jei Jesús chupe reta.

San Lucas 24:27

Jayawe Jesús umbɨpɨ umɨesäka chupe reta kërái ko uyekuatía oï jesewa Tumpa iñeerɨru pe. Jae umbɨpɨ Moisés uikuatía wiwe, jare joko wi arakae Tumpa iñee umɨmbeu wae reta uikuatía wae rupi umɨesäka wɨraa wɨraa chupe reta.

San Juan 8:44

“Añawasu ko jae peru. Jare jokua mbaembae jae uipota uyapo wae, jokua nunga etei ko pe reta pipota piyapo peï wi. Añawasu iyɨpɨ wiwe upuruyuka wae ko. Jare jae opa ueya mbaembae jupi wae, echa’ä jae ko mbaembae kachi wae iya. Jare jae iyapu yawe, jae etei uyekuaaka oï, echa’ä jae ko iyapu wae jare jae etei ko apu iya,” jei chupe reta.

Hechos 13:10

“Elimas, nde ko jae Añawasu pe ndiyeyokui wae, jare opaete jupi wae jare añetete wae jowaicho ko nde,” jei. “Nde ko jae upurumbɨtawɨ wae jare jupi mbae ndiyapo wae. Nde jekuaeño nembɨyea mbaembae añetete wae Tumpa rewa añetete mbae wae ndiwe,” jei chupe.

Romanos 16:20

Tumpa ko jae jekuaeño yanembɨpɨakatu wae. Jare jae ɨmambaeño peñonota pemɨamɨri waerä Satanás kërái mbae re pepɨ̈ro wae rami. YandeYa Jesucristo jekuaeño tipɨakawi pewe.

Romanos 3:13

“Jae reta uyemɨngeta wae, kachiete utimbo pëti teöwerɨru uyasoi mbae oï wae rami. Uyemɨngeta reta yawe, upurumbɨtawɨñoi reta.” “Jare opaete mbae jei reta japicha kotɨ wae jasɨete, mboi imbayachi jasɨete wae rami.”

Gálatas 4:4

Erëi ara uwäe ma yawe Tumpa jei wae, jae ombou Taɨ kua ɨwɨ pe. Jae oa pëti kuña wi yande rami. Jare jae ko judío ramo, jae iko wi Moisés arakae uikuatía wae rupi. Jukuärái Tumpa ombou Taɨ

Efesios 4:8

Jukuärái ko arakae wiwe Tumpa jei iñeerɨru pe, echa’ä uyekuatía oï Cristo rewa kuärái: “Jae uyeupi oo ye ɨwate kotɨ yawe, oo upurumɨamɨri wae wɨraa oï ipereso reta wae rami. Jare umee mbaembae ikawi wae kuimbae jare kuña reta pe.” Jukuärái uyekuatía oï.

Colosenses 2:15

Jare jokuaño’ä ko. Cristo umano kurusu re yawe, jae opa umɨamɨri opaete aña reta jare upɨ̈ro chuwi reta imbaepuere jae reta ime wɨreko yanderé wae. Jare joko wi jae umɨmichika reta opaete wae jowake. Jare jukuärái Cristo uechaka opaete wae pe jae ko upurumɨamɨri wae.

Hebreos 2:18

Jare Jesús ipuerete yanemborɨ ou yawe mbae uipota uyawɨka yandewe Tumpa kotɨ wae, echa’ä jae uikuaa kërái ko jokua. Chupe etei wi ou uyawɨka waerä tëi Tu kotɨ, jare jukuärái jae wi uiporara yande rami.

Hebreos 5:7

Cristo kua ɨwɨ pe iko rambuewe, uyerure usapɨkai rewe jare jesaɨ rewe yandeRu Tumpa pe jae uepɨ waerä mano wi. Jare Cristo uñemɨmichi rewe uyapo Tumpa jei wae ramo, Tumpa uyapɨsaka uyerure chupe wae re. Echa’ä umbɨjekowe ye ueru Cristo umanokue wae reta ipɨte wi.

1 Juan 3:10

Jukuärái ko yandepuere yaikuaa kía ra ko jae Tumpa taɨ reta wae jare kía ra ko jae Añawasu taɨ reta wae. Opaete mbae jupi mbae uyapo wae reta Tumpa pewa’ä ko. Jare jae nunga wi opaete uau’ä japicha wae reta Tumpa pewa’ä ko wi.

1 Juan 3:8

Erëi ime kía Tumpa jei wae jekuaeño uyawɨ wae, jae Añawasu pewa ko. Echa’ä Añawasu iyɨpɨ wiwe uyawɨño mái Tumpa kotɨ. Erëi Tumpa Taɨ uyeyapo kuimbaerä opa umbái waerä Añawasu iparawɨkɨ.

1 Juan 5:5

Echa’ä jaeño kía wɨrowia Jesús ko jae Tumpa Taɨ wae umɨamɨrita kua ɨwɨ jeko.

Apocalipsis 12:17

Jayawe dragón pochɨete upɨta kuña pe, jare oo uñeräro waerä kuña iñemoñaa reta ndiwe – jae reta ko Tumpa jei wae rupi yureko wae reta jare Jesús rewa jupi umɨmbeu wae reta.

Apocalipsis 13:7

Jare uñemee wi bestia pe uñeräro waerä Tumpa re wɨrowia wae reta ndiwe jare umɨamɨri reta waerä. Jare uñemee chupe mbaepuere opaete ambɨembɨe ɨwɨ pewa reta re kerupi rupi ñonoï wae rupi jare opa kërái rái ñee pe uyemɨngeta wae reta rupi.

Apocalipsis 2:10

‘Mase, Añawasu peñonokata amokue pe reta peresorɨru pe, echa’ä jae uipota uyawɨka pewe ramo. Jare joko pe piporarata payandepo ara pewa. Erëi awɨye pekɨye kua piporarata peï wae wi. Aramoi pemanota cheré perowia jeko pewa, erëi awɨye peya cheré perowia wae. Jare che ameeta aï pewe jokua corona tekowe opa mbae pewa.

Apocalipsis 20:10

Jae reta uyembɨtawɨka Añawasu pe. Jare joko wi aecha jokua tata wasu azufre ndiwe jendɨ oï wae. Joko pe ko tenonde yawe Tumpa omomboka jokua bestia jare Tumpa iñee umɨmbeuraanga wae ndiwe. Jare amae aiko rambuewe, Tumpa omomboka Añawasu joko pe wi. Jae reta mbapɨ rewe uiporarata joko pe ara rupi jare pɨ̈tu rupi jaeño mái pewa.