Génesis 3:10 - Biblia

¹⁰ Jare Adán jei Tumpa pe: “Ayandu nde chereni neï mbaewɨyerenda rupi, jare chemara a ndekotɨ waerä chenani aï ramo. Jáeramo añemi tëi ndewi,” jei.

Génesis 3:10 Iomraidhean Croise

Génesis 2:25

Kuimbae jare jembireko nani etei yureko, erëi mbaetɨ imara reta.

Génesis 3:11

Jayawe Tumpa upɨrandu chupe: “¿Kía pa jei ndewe nenani neï wae? ¿Ndeu pa jokua ɨwɨra ía che jae ndewe awɨyeta tëi ndeu wae?” jei.

Génesis 3:7

Jayawe aramoiño uikuaa reta nani etei ñonoï wae. Jáeramo umbɨwɨwɨ reta ɨwa jokɨ uñeñowa waerä pɨpe.

Éxodo 20:18

Jayawe Israel iñemoñaa reta uyandu yawe ara jɨapu jare temimbɨ wasu täta uyendu wae, jare uecha reta yawe uwera pɨi oï jare ɨwɨtu wasu tɨnee oï tatäti pe, ukɨye pɨpei urɨrɨ reta. Jare usɨrɨ reta mbɨrɨ joko wi.

Éxodo 20:19

Jare jei reta Moisés pe: “Ore nduyapɨsakata nderé nde oremɨngeta yawe,” jei. “Erëi ndukɨyete noï numanota ko Tumpa oremɨngeta yawe,” jei reta Moisés pe.

Éxodo 3:6

“Che ko jae nderamɨkue reta Abraham, Isaac, jare Jacob iTumpa,” jei chupe. Jayawe Moisés uyandu yawe kua ñee, oñomi jowa ipo pe, echa’ä ukɨyete umae jese ramo.

1 Juan 3:20

Echa’ä aramoi yandepɨa yanembɨjeko oï mbae re. Erëi jesewe yandepuereta yandepɨakatu Tumpa jowai, echa’ä yaikuaa Tumpa uikuaa yande rewa opaetei. Jare jokua jae jei yandereko rewa wae jupiete ko yandepɨa jei wae wi.