Génesis 3:1 - Biblia

¹ Mboi iyarakuaa katuete opaete ïru mbaemɨmba reta Tumpa ikoño mái wae uyapo wae wi. Jare mboi upɨrandu kuña pe: “¿Añetete yerá Tumpa jei pewe awɨye peu waerä pëti awe ɨwɨra reta ía kua mbaewɨyerenda pewa?” jei chupe.

Génesis 3:1 Iomraidhean Croise

San Mateo 10:16

“Mase, che pomondo aï ikawi mbae wae uyapo wae reta ipɨte rupi,” jei chupe reta. “Jukuärái pe reta pikota peï owecha yawapɨ̈ta reta ipɨte rupi iko wae rami. Jáeramo piyandareko kawi piyé pearakuaa katu rewe jare pekoi rewe,” jei.

San Mateo 4:3

Jayawe Añawasu ou jei chupe: “Nde ko jae Tumpa Taɨ yawe, yaecha ere kua ita reta pe tuyeyapo ndewe mbɨyaperä,” jei chupe.

San Mateo 4:6

Jare joko pe Añawasu jei Jesús pe: “Nde ko jae Tumpa Taɨ yawe, yaecha iyeritɨ kua wi. Echa’ä Tumpa iñeerɨru pe uyekuatía oï kuärái: ‘Tumpa oyokuita araɨwa reta uyandareko waerä nderé. Ipo pe ndepɨsɨta ndeoko reta awɨye waerä ndeasa marái. Ndepɨ awe uyererokuata’ä ita re.’ Jukuärái uyekuatía oï,” jei Añawasu Jesús pe.

San Mateo 4:9

Jare Añawasu jei chupe: “Mase, nde niñeñono yawe ndetawa re cherowai chembutuicha waerä, che ameeta ndewe opaetei kua mbaembae ndecha neï wae ndepo pe oï waerä,” jei chupe.

2 Corintios 11:14

Erëi awɨye yandepɨakañɨ kua re. Echa’ä Satanás etei ipuere uyekuaaka pëti araɨwa ikawi wae Tumpa wi ou wae echa rami.

2 Corintios 11:3

Erëi che ayembɨpɨa’ä aï peré. Aramoi pemaeñota piyembɨtawɨka kërái Eva uyembɨtawɨka jokua mboi ikatuete iyapu wae pe, jare jukuärái pikota’ä ma pekɨrëɨ ngatu rewe Cristo pewarä.

1 Pedro 3:7

Jae nunga wi che tae kuimbae reta pe kuärái: Tuiko kawi reta jembireko ndiwe. Timandúa reta kërái kuña reta ipɨräta’ä ko chuwi reta. Jáeramo tuyandareko kawi jese reta jare tumbutuicha reta, echa’ä kuña reta uyekou ñonoï wi tekowe opa mbae wae re ime reta ndiwe. Erëi kuimbae reta uyandareko kawi’ä yawe jembireko re, yawaita chupe reta uyerure waerä Tumpa pe mbaembae re.

Apocalipsis 12:15

Jayawe jokua dragón iyuru wi omondo jeta ɨ kuña jaɨkue wɨraa uyuka waerä tëi.

Apocalipsis 12:9

Jayawe Miguel jare iaraɨwa reta omombo jokua dragón ara wi ɨwɨ pe opaete araɨwa jese uyemboya wae reta ndiwe. Jokua dragón ko jae mboi arakaete Eva umɨngeta wae. Jae ko Satanás, Añawasu yande yae chupe wae. Jae ko umbɨtawɨ opaete ɨwɨ pewa reta wae.

Apocalipsis 20:2

Jare araɨwa uipɨsɨ jokua dragón. Jae ko jokua mboi arakaete Eva umɨngeta wae. Jae ko Añawasu, jare jee ko Satanás. Jayawe araɨwa uñapɨ̈ti oñono Satanás cadena pɨpe miri año pewa.