Génesis 28:12 - Biblia

¹² Jare Jacob oke iko rambuewe, upau. Jare aramoiño uecha ipau pe pëti yupika ɨwɨ wi oo ara re oya wae. Jare uecha wi Tumpa iaraɨwa reta uyupi ñonoï jare uweyɨ ñonoï jokua yupika rupi.

Génesis 28:12 Iomraidhean Croise

Génesis 15:1

Kua jaɨkue rupi, Tumpa umbɨpau echa Abram jare jei chupe: “Awɨye ekɨye, Abram. Che nduepɨta, jare ayandareko kawita nderé. Jare che numbɨyekoueteta nde,” jei Tumpa Abram pe.

Génesis 15:12

Jare pɨ̈tuta ma iko yawe, Tumpa omonge täta Abram. Jare Abram oke iko rambuewe, uyeyapo chupe pëti pɨ̈tumimbiete yakɨye rape wae.

Génesis 41:1

Joko wi mokui año ma uasa yawe, pëti pɨ̈tu mburuwicha wasu oke iko yawe, upau. Jare ipau pe jae iko ɨ wasu Nilo jee wae jembeɨ pe.

San Mateo 1:20

Jukuärái José uyemɨngeta iko tëi ipɨa pe. Erëi pëti pɨare, José oke iko rambuewe, pëti araɨwa Tumpa ombou wae uyekuaa chupe ipau pe jare jei chupe: “José, David iñemoñaa pewa,” jei chupe. “Nde ndepuere nemenda ndepɨawiwe rewe María ndiwe, echa’ä jae mbaetɨ ko ipurúa oï kuimbae pewarä. Jae ipurúa ko oï Espíritu Santo imbaepuere rupi etei,” jei chupe.

San Mateo 2:19

Jayawe kua jaɨkue rupi Herodes umano. Jare José imeño iko ɨwɨ Egipto pe. Jayawe uyekuaa ye chupe ipau pe pëti araɨwa Tumpa ombou wae.

San Juan 1:51

Joko wi Jesús jei Felipe jare Natanael pe: “Che tae pewe añetete wae, pechata ara uyepea oï kërái yanderamɨkue Jacob uecha ipau pe wae rami. Jare pechata wi Tumpa iaraɨwa reta uyupi ñonoï jare uweyɨ ñonoï che kuimbaerä ayeyapo wae rupi,” jei chupe reta.

Hebreos 1:1

Yande judío retarä yaiko wae, arakaete rupi yandeRu Tumpa uyemɨngetase jae iñee umɨmbeu wae reta rupi yanderamɨkue reta pe. Jeta wese jare opa kërái rái rupi uyemɨngetase chupe reta.

Hebreos 1:14

Echa’ä araɨwa reta ko jae Tumpa pe uyeyokui wae retaño. Tumpa ombou ma araɨwa reta omborɨ waerä tekowe opa mbae wae onoita wae reta.