Génesis 27:43 - Biblia

⁴³ “Jáeramo, chemembɨ mii, iyapo che jae ndewe wae rupi. Iyeyapɨkatu woi jare ekua tëta wasu Harán pe, chekɨwɨ Labán jëta pe,” jei.

Génesis 27:43 Iomraidhean Croise

Génesis 11:31

Jayawe Taré wɨraa taɨ Abram jare Abram jembireko Sarai, jare yuraa reta tëta wasu Ur wi. Kua tëta wasu oï caldeo pewa reta iɨwɨ pe. Taré wɨraa wi jumɨmino kuimbae Lot. Lot Harán taɨ ko. Taré uipota tëi oo iko ɨwɨ Canaán jee wae pe. Erëi yuraa uwäe reta yawe tëta wasu Harán jee wae pe, upɨta reta yureko waerä joko pe.

Génesis 25:20

Isaac ime wɨreko cuarenta año yawe, umenda Rebeca ndiwe. Rebeca tu jae ko Betuel jee wae, jare ikɨwɨ jae ko Labán jee wae. Jae reta arameo reta ko jare yureko ɨwɨ Padan-aram jee wae pe.

Génesis 27:13

Erëi Jacob ichɨ jei chupe: “Chemembɨ mii, ipotawe nderu uyepɨpeyu nderé wae toa jaeño cheré. Iyapoño kua che jae wae rupi. Ekuaño ipɨsɨ eru chewe jokua mokui kapura taurusu wae reta,” jei Rebeca Jacob pe.

Génesis 27:42

Erëi ime kía umbeu Rebeca pe Esaú ipɨayemɨngeta rewa. Jáeramo Rebeca uenika Jacob jare jei chupe: “Mase, nderɨkeɨ Esaú ndaye ipɨayemɨngeta ko uyepɨta oï nderé jare ndeyukata oï,” jei.

Génesis 27:8

“Jáeramo, chemembɨ mii, iyapɨsaka kawi chiñee re jare iyapo che jae ndewe wae rupi,” jei.

Génesis 28:10

Jacob oë oo ɨwɨ Beerseba wi yawe, jae oo tëta wasu Harán kotɨ.

Génesis 28:5

Jukuärái Isaac omondo Jacob ɨwɨ Padan-aram pe. Jayawe Jacob oo ɨwɨ Padan-aram kotɨ upɨta waerä itutɨ Labán jee wae ndiwe. Labán ko jae Jacob jare Esaú ichɨ Rebeca ikɨwɨ tenondewa, jare Betuel ɨwɨ Aram pewa taɨ.

Génesis 28:7

Jare Esaú uecha Jacob uyapo oï tu jare ichɨ jei chupe wae rupi.

Hechos 5:29

Jayawe Jesús jemimboe tenondewaete reta ipɨte wi Pedro uyemɨngeta opaete pewarä, jare jei mburuwicha reta pe kuärái: “Pe reta pipota’ä tëi ore nduyapo waerä Tumpa jei orewe wae. Erëi nduyapota ko Tumpa jei wae, pe reta pere wae wi,” jei chupe reta.