Génesis 27:29 - Biblia

²⁹ Tuiko jeta ambɨe ɨwɨ pewa reta uyeyokui ndewe waerä, jare tuñeñono reta ɨwɨ re uipɨu rewe nderowai. Tumpa tumee wi ndewe nenoi waerä mbaepuere nerëtara reta re, jare ndesɨ imembɨ reta wi tuñeñono ɨwɨ re uipɨu rewe nderowai. Jare ipotawe kía uyepɨpeyu nderé wae, toa jese yepɨpeyu. Jare ipotawe kía jei ndewe, ‘Tumpa tuyapo ikawi wae ndewe,’ jei wae, Tumpa tuyapo chupe wi ikawi wae.” Jukuärái jei Isaac Jacob pe.

Génesis 27:29 Iomraidhean Croise

Génesis 12:3

Ipotawe kía reta uyapo ndewe ikawi wae pe che ayapota ikawi wae. Erëi ipotawe kía reta uyepɨpeyu nderé wae pe che aiporarakata aï. Jare nde rupi opaete ɨwɨ pewa reta uyekouta ñonoï,” jei Tumpa Abram pe.

Génesis 25:33

Jare Jacob jei ye chupe: “Ere chewe añawe woi Tumpa jowake iko waerä chemaerä,” jei. Jayawe Esaú jei Tumpa jowake umee ma Jacob pe taɨrɨpɨyekou.

Génesis 27:30

Jukuärái Isaac opa jei Jacob pe kërái Tumpa uyapota oï chupe ikawi wae rewa. Erëi Jacob oë ramo mii oo ye yawe tu oï wae wi, Esaú ou uwäe joko pe umbaereka wae wi.

Génesis 27:37

Jayawe Isaac jei chupe: “Mase, che jae ma Jacob pe jae onoita oï mbaepuere nderé, jare opaete ñanerëtara reta uyeyokuita oï chupe. Che jae ma chupe wi Tumpa umeeta oï chupe jeta trigo jare uva. Jáeramo mbaetɨ ye ma mbae ikawi wae nemaerä, cheraɨ,” jei Isaac chupe.

Génesis 27:40

Ndikota neï pëti iñerärose wae. Jare nepɨ̈rota ïru wae reta wi imbaembae, jare jokua re ndikota neï. Ndiyeyokuita neï nderɨwɨ pe mbowɨ año pewaño. Erëi pëti ara nembowaichota neï, jare joko wiwe ndiyeyokuita’ä ma chupe.” Jukuärái Isaac jei Esaú pe.

Génesis 37:10

Kua wese José imiäri yawe tɨkeɨ reta pe, tu joko pe uyapɨsaka iko jese wi. Jayawe tu umbɨeta chupe jei rewe: “¿Mbae ra ndere neï ndepau rupi orekotɨ? ¿Aramoi che, jare ndesɨ, jare nderɨkeɨ reta imeta ra nuñemɨmichi nderowai nduipɨu rewe?” jei chupe.

Génesis 37:7

“Opa rewe yaparawɨkɨ ñaï yandeko pe yayokua ñaï trigo. Aramoiño che ayokua wae uyemboɨ, jare pe reta piyokua wae reta uyembatɨ jese iyɨpɨ rupi jare itindɨ reta che ayokua wae jowai.” Jukuärái jei imiäri chupe reta.

Génesis 9:27

“Jare Tumpa tumbɨjetaete Jafet iñemoñaa reta. Jae reta tuyekou kawi Sem iñemoñaa reta ndiwe. Jare Canaán ikota Jafet pe uyeyokui waerä,” jei Noé.

Isaías 9:7

Jae onoita tamɨkue David imbaepuere mburuwicha wasu pewa. Jae imbaepuere uyembutuichaeteta opaete ɨwɨ rupi jare ndarau etei opa. Jáeramo ɨwɨ pewa reta yurekota ipɨakatu rewe jaeño mái pewa. Jae uyapo ñotái ikawi wae jupi wae rupi. Jukuärái uyeyapota, echa’ä Tumpa imbaepuere tuichaete wae ipɨakɨrëɨ rewe uyapota ramo.

San Mateo 25:40

“Jayawe che jaeta chupe reta: ‘Che tae pewe añetete wae, pe reta pemborɨ yawe ipotawe cherɨwɨ reta jare cherindɨ reta, che etei ko chemborɨ piko. Jukuärái ko, yepe tëi jokua reta mbae’ä ko ïru wae reta pewarä aramoi,’ jaeta chupe reta,” jei.

San Mateo 25:45

“Jayawe che jaeta chupe reta: ‘Che tae pewe añetete wae, pe reta pemborɨ'ä yawe ipotawe cherɨwɨ reta jare cherindɨ reta, che etei ko chemborɨ'ä piko. Jukuärái ko, yepe tëi jokua reta mbae’ä ko ïru wae reta pewarä aramoi,’ jaeta chupe reta,” jei.

Apocalipsis 19:16

Jare jae jemimonde re jare iu re uyekuatía oï kua tee: MBURUWICHA WASU RETA ITENONDEWAETE WAE JARE OPAETE WAE IYA TENONDEWAETE WAE