Génesis 27:19 - Biblia

¹⁹ Jayawe Jacob jei tu pe: “Esaú, nderaɨrɨpɨ ko che. Ayapo ma nde ndere chewe wae rupi. Epüa mii jeu kua tembiu cherembia pewa. Joko wi ndepuere ndere chewe kërái Tumpa uyapota oï chewe mbaembae ikawi wae re,” jei Jacob tu pe.

Génesis 27:19 Iomraidhean Croise

Génesis 25:25

Tenondewa oa wae ipire pɨ̈tawe jare jawukuete ko. Jáeramo umbɨjee reta Esaú.

Génesis 25:28

Isaac uauete Esaú, echa’ä uyuete jembia Esaú ueru chupe ramo. Erëi Rebeca uauete Jacob.

Génesis 27:18

Jayawe Jacob wɨraa jokua tembiu tu oï wae pe, jare jei chupe: “Cheru,” jei. Jayawe Isaac jei chupe: “Ko aï. ¿Kía nunga cheraɨ pa nde?” jei chupe.

Génesis 27:21

Jare Isaac jei Jacob pe: “Eya katu mii cheré, cheraɨ, chepuere ayawɨkɨ waerä nderé che aikuaa waerä nde ra ko jae cheraɨ Esaú wae,” jei chupe.

Génesis 27:31

Jare uyapo wi tembiu jëe ngatu wae jembia pewa Isaac uyuete wae, jare ueru tu pe. Jare jei chupe: “Epüa mii, cheru, jare jeu kua tembiu cherembia pewa. Joko wi ndepuere ndere chewe kërái Tumpa uyapota oï chewe ikawi wae rewa,” jei chupe.

Génesis 27:35

Erëi Isaac jei chupe: “Chepuere’ä ma ayapo jokua. Nderɨwɨ ou jare chembɨtawɨ ma, jare upɨ̈ro ma ndewi ameeta tëi aiko ndewe wae,” jei chupe.

Génesis 27:4

Joko wi iyapo tembiu jëe ngatu wae nderembia pewa ayuete wae, jare eru mii chewe jau waerä. Opa ma akaru yawe, jaeta aï ndewe kërái Tumpa uyapota oï ndewe jeta mbaembae ikawi wae re. Echa’ä aipota nde ndikuaa waerä ndei amano mbowe,” jei Isaac Esaú pe.

Génesis 27:45

“Jae iñakañɨ ma yawe ikawi wae nepɨ̈ro chuwi wae wi, jare mbaetɨ ma iarasɨ ndekotɨ yawe, che amondota kía ndereru ye waerä joko wi neï ye waerä che ndiwe. Echa’ä aipota’ä etei nderɨkeɨ ndeyuka waerä,” jei. “Jae ndeyuka yawe, jae umanota ko upuruyuka jeko pewa. Jukuärái mokui rewe chemembɨ ukañɨta chewi pëti ara peño.” Jukuärái Rebeca jei Jacob pe.