Génesis 22:3 - Biblia

³ Jayawe pɨarewe pe ndimboweasɨ, Abraham upüa jare oyokua imburika. Jare uyapo yepea wɨraa uapɨ waerä taɨ Isaac jetekue umee waerä Tumpa pe. Jare umbɨwɨta imburika yepea pɨpe yawe, wɨraa taɨ Isaac jare mokui ipione taurusu wae reta jae ndiwe, jare opa rewe yuraa jokua ɨwɨ Tumpa jei chupe wae kotɨ.

Génesis 22:3 Iomraidhean Croise

Génesis 17:23

Joko wi, jokua ara etei, Abraham uyapo Tumpa jei wae rupi jare uyembɨcircuncidaka. Jare umbɨcircuncida wi taɨ Ismael, jare opaete ïru kuimbae reta jëta pewa, jare ipione kuimbae ipɨte pe oa wae reta, jare owa wae reta wi.

Génesis 22:18

“Niñemoñaa rupi opaete ɨwɨ pewa reta uyekouta, echa’ä nde ndiyapo che jae wae rupi ramo,” jei Tumpa Abraham pe.

Génesis 22:2

Jare Tumpa jei chupe: “Eraa Isaac, nderaɨ jae waeño ndeauete wae, jare ekua jae ndiwe ɨwɨ Moriah jee wae kotɨ,” jei. “Jare ndeo newäe yawe pëti ɨwɨtu wasu aikuaakata aï ndewe wae pe, joko pe iyuka nderaɨ. Jare eapɨ jetekue pëti mbaerenda ita pewa re nemee waerä chewe nderaɨ,” jei Tumpa Abraham pe.

Génesis 22:4

Mbapɨ ara rupi ma uwata reta yawe, Abraham umae jare uecha mbɨrɨ oï jokua ɨwɨtu wasu Tumpa jei uikuaakata iko chupe wae.

San Mateo 10:37

“Erëi ime yawe kía uauete tu jare ichɨ chewi wae, jupi’ä ko iko waerä cheremimboerä. Jae ramiño wi ime yawe kía uauete isambiaɨ reta chewi wae, jupi’ä ko iko waerä cheremimboerä.

San Lucas 14:26

“Ime yawe kía uipota oo che ndiwe wae iko waerä cheremimboerä, imeta ko cherauete tu wi, ichɨ wi, jembireko wi, isambiaɨ reta wi, jare jëtara reta wi. Jae nunga wi jaeño uyerauete yawe chewi, ndarau ipuere iko cheremimboerä,” jei.

Gálatas 1:16

Taɨ uikuaaka chewe waerä. Jukuärái uyapo chewe che a amɨmbeu waerä Taɨ rewa judío mbae wae reta pe kerupi rupi ñonoï wae rupi. Erëi Tumpa Taɨ uyekuaa chewe yawe, che aeka’ä kiawe chembɨarakuaa waerä jese.

Hebreos 11:8

Jae nunga wi yanemandúa Abraham re. Tumpa jei chupe oë oo waerä iɨwɨ wi ambɨe ɨwɨ pe – jae ko jokua ɨwɨ Tumpa umeeta iko chupe iɨwɨrä wae pe. Jayawe yepe tëi Abraham uikuaa’ä ketɨ ra oo iko wae, erëi oë oo Tumpa re wɨrowia rewe.