Génesis 22:2 - Biblia

² Jare Tumpa jei chupe: “Eraa Isaac, nderaɨ jae waeño ndeauete wae, jare ekua jae ndiwe ɨwɨ Moriah jee wae kotɨ,” jei. “Jare ndeo newäe yawe pëti ɨwɨtu wasu aikuaakata aï ndewe wae pe, joko pe iyuka nderaɨ. Jare eapɨ jetekue pëti mbaerenda ita pewa re nemee waerä chewe nderaɨ,” jei Tumpa Abraham pe.

Génesis 22:2 Iomraidhean Croise

Génesis 17:19

Jayawe Tumpa jei chupe: “Kua yemɨngeta ayapo nde ndiwe wae, jae’ä ko Ismael pewarä. Echa’ä Sara etei imembɨta nemaerä jare nembɨjeeta Isaac. Jae jare iñemoñaa reta pewarä ko kua yemɨngeta jaeño mái pewa ayapo nde ndiwe wae,” jei chupe.

Génesis 21:3

Jare Abraham umbɨjee taɨ Isaac.

Génesis 22:12

Jayawe Tumpa jei chupe: “¡Awɨye iyuka nderaɨ! Awɨye iyapo marái. Añawe aikuaa ma tuicha ko ndipɨu chewi wae, echa’ä mbaetɨ etei nembɨete nderaɨ jae waeño ndeauete wae ndiyuka nemee waerä chewe,” jei chupe.

Génesis 22:3

Jayawe pɨarewe pe ndimboweasɨ, Abraham upüa jare oyokua imburika. Jare uyapo yepea wɨraa uapɨ waerä taɨ Isaac jetekue umee waerä Tumpa pe. Jare umbɨwɨta imburika yepea pɨpe yawe, wɨraa taɨ Isaac jare mokui ipione taurusu wae reta jae ndiwe, jare opa rewe yuraa jokua ɨwɨ Tumpa jei chupe wae kotɨ.

Génesis 22:9

Jare yuraa uwäe reta yawe jokua ɨwɨtu wasu Tumpa uikuaaka chupe wae pe, joko pe Abraham uyapo pëti mbaerenda ita pewa jare oñono iáramo yepea. Jare Abraham uipokua taɨ Isaac jare oñono mbaerenda iáramo.

Génesis 8:20

Jayawe Noé uyapo pëti mbaerenda ita pewa oñono waerä iáramo mbaemɨmba uyukakue umee waerä Tumpa pe. Jare amokue mbaemɨmba reta jare wɨra reta Tumpa jei ikɨa mbae wae reta ipɨte wi, Noé uyuka jare uapɨ jokua mbaerenda iáramo umee waerä Tumpa pe.

San Juan 3:16

Tumpa uauete ɨwɨ pewa reta. Jáeramo umee Taɨ jae waeño wae, ipotawe kía wɨrowia jese wae onoi waerä tekowe opa mbae wae. Ndarau etei oo Tatawasurenda pe.

Romanos 5:8

Erëi Tumpa uechaka ma yandewe yanderauete ko. Echa’ä yepe tëi yande yayapoñoi mbaembae kachi wae Tumpa jowai, erëi jesewe jae etei ombou Cristo umano waerä yanderé.

Romanos 8:32

Echa’ä Tumpa umbɨete’ä Taɨ umee waerä yandewe jare umano waerä yanderé. Jare jukuärái yawe, ¿këraita pa Tumpa umbɨete mbaembae yandewe jae ndiwe ñaï kawi waerä?

Hebreos 11:17

Ñamae ye Abraham re. Tumpa jei chupe uyapota iko mbaembae ikawi wae jae imaerä. Erëi Tumpa uipota omboporowa iko Abraham añetete ra wɨrowia iko jese wae. Jáeramo jei chupe wɨraa uyuka waerä taɨ Isaac. Jare Abraham wɨrowia Tumpa re ramo, uyukata tëi iko taɨ jae waeño wae.