Génesis 22:11 - Biblia

¹¹ Erëi aramoiño ara wi araɨwa Tumpa etei wae umɨngeta Abraham jare jei chupe: “¡Abraham, Abraham!” jei. Abraham jei chupe: “¿Mbae pa, cheYa?” jei.

Génesis 22:11 Iomraidhean Croise

Génesis 16:7

Joko wi Agar oo uwäe pëti ɨkua, tape tëta wasu Shur jee wae kotɨ oo wae iyɨpɨ pe. Jare joko pe araɨwa Tumpa etei wae uyekuaa chupe.

Génesis 22:1

Isaac taurusu ma yawe, Tumpa uipota omboporowa Abraham añetete ra wɨrowia katu jese wae. Jayawe pëti ara Tumpa ueni Abraham. Jare Abraham jei chupe: “¿Mbae pa, cheYa?” jei.

Génesis 22:10

Jare ueki kɨse uyuka waerä tëi taɨ.

Génesis 22:12

Jayawe Tumpa jei chupe: “¡Awɨye iyuka nderaɨ! Awɨye iyapo marái. Añawe aikuaa ma tuicha ko ndipɨu chewi wae, echa’ä mbaetɨ etei nembɨete nderaɨ jae waeño ndeauete wae ndiyuka nemee waerä chewe,” jei chupe.

Génesis 31:11

Jacob jei Lea jare Raquel pe: “Araɨwa Tumpa etei wae uyekuaa chewe chepau pe jare chereni cheree pe. Jayawe che jae chupe: “¿Mbae pa, cheYa?’ jae chupe.

Génesis 37:13

Jare mbowɨ ara ma yuweru yewɨ'ä yureko reta. Jayawe Jacob jei José pe: “Nderɨkeɨ reta ime uyandareko ñonoï cheowecha reta re Siquem pe,” jei. “Ekua emae nderɨkeɨ reta re kërái ra oï reta wae. Jare eru che kuri ñee ipɨau wae jesewa reta jare cheowecha reta rewa,” jei chupe. Jayawe José jei tu pe: “Taa jayawe,” jei chupe. Jayawe Jacob omondo José ɨwɨ ipe tuicha Hebrón jee wae wi.

Génesis 46:2

Jokua pɨ̈tu Tumpa uyekuaa Jacob pe jare jei chupe: “Jacob.” Jare Jacob jei: “¿Mbae pa, cheYa?” jei chupe.

Éxodo 3:2

Joko pe araɨwa Tumpa etei wae uyekuaa Moisés pe pëti yái jendɨ oï wae pe kuärái: Moisés uecha yái tuicha jendɨ oï, erëi okai’ä oï.

Éxodo 3:4

Erëi Tumpa uecha yawe Moisés oya katu ou oï jese wae, ueni yái jendɨ oï wae wi jare jei chupe: “¡Moisés, Moisés!” jei chupe. Moisés jei: “¿Mbae pa, cheYa?” jei.

Hechos 26:14

Jare opa rewe ndoa ɨwɨ re,” jei chupe. “Jayawe che ayandu pëti ñee hebreo ñee pe jei chewe: ‘Saulo, ¿maera pa jekuaeño ndiyapo neï ikawi mbae wae chekotɨ? Ndipota tëi chembowaicho neï pëti weye iya iɨwɨra jakuarowi wae re upatara wae rami. Jáeramo ndiporara neï,’ jei chewe.

Hechos 9:4

Jáeramo Saulo jawoi pewa oa ɨwɨ re, jare uyandu ñee jei chupe: “Saulo, ¿maera pa jekuaeño ndiyapo neï ikawi mbae wae chekotɨ?” jei chupe.

Jueces 2:1