Génesis 21:6 - Biblia

⁶ Jayawe Sara jei: “¡Tumpa chembupukaka ma yerowia rewe! Jare upukata wi che ndiwe opaete kía uyandu kua rewa wae,” jei.

Génesis 21:6 Iomraidhean Croise

Génesis 17:17

Jayawe Abraham uñeñono ɨwɨ re uipɨu rewe. Erëi ipɨa pe uyemɨngeta kua Tumpa jei wae rewa yawe, upuka: “¿Këraita ra chepuere amɨmembɨ chembireko ime ma anoi cien año rupi wae? Jare ¿ipuereta ra Sara imembɨ ime ma onoi noventa año rupi wae? Yawaiete ko,” jei uyemɨngeta ipɨa pe.

San Lucas 1:14

“Jare nde tuicha ndiyerowiata neï kuri. Jare jeta wi uyerowiata nde ndiwe jae oa wae rewa,

San Lucas 1:58

Jare jeräkua Elisabet jëtara reta pe jare jëtáɨwa reta pe wi kërái yandeYa uiparareko Elisabet. Jare kua uikuaa reta yawe, uyerowia reta Elisabet ndiwe.

Romanos 12:15

Jare ime yawe kía pepɨte pe uyerowia oï wae, pe reta wi piyerowia jae ndiwe. Jae ramiño wi ime yawe kía pepɨte pe ipɨatɨtɨ oï wae, pe reta wi pepɨatɨtɨ jae ndiwe.

Hebreos 11:11

Jare yanemandúa wi Sara re. Yepe tëi jae ko imembɨ mbaei wae jare ukuakuaaete ma, erëi Tumpa jei chupe: “Nemembɨta neï.” Jayawe Sara imembɨ, echa’ä jae wɨrowia Tumpa jupi ko uyapo waerä jae jei uyapota wae.