Génesis 21:10 - Biblia

¹⁰ Jáeramo jei Abraham pe: “¡Emombo jokua kuña täta uyeyokui wae imembɨ ndiwe! Echa’ä jae imembɨ mbaetɨta uyekou nembaembae re chemembɨ Isaac ndiwe,” jei chupe.

Génesis 21:10 Iomraidhean Croise

Génesis 17:19

Jayawe Tumpa jei chupe: “Kua yemɨngeta ayapo nde ndiwe wae, jae’ä ko Ismael pewarä. Echa’ä Sara etei imembɨta nemaerä jare nembɨjeeta Isaac. Jae jare iñemoñaa reta pewarä ko kua yemɨngeta jaeño mái pewa ayapo nde ndiwe wae,” jei chupe.

Génesis 17:21

“Erëitu ayapota aï kua yemɨngeta ikawi wae Isaac jare iñemoñaa reta ndiweño. Ïruwe año pe kua nunga ara rupi, oata oï Sara imembɨ Isaac,” jei Tumpa Abraham pe.

Génesis 22:10

Jare ueki kɨse uyuka waerä tëi taɨ.

Génesis 25:19

Kua ko Abraham taɨ Isaac iñemoñaa reta rewa:

San Mateo 22:13

“Jayawe mburuwicha wasu jei uyeyokui wae reta pe: ‘Piñapɨ̈ti ipo rupi jare ipɨ rupi, jare peraa pemombo oka pe pɨ̈tumimbi oï wae pe. Joko pe uyaota tëi jare jäi umbɨkɨrɨrɨuta, echa’ä ikuasɨ katuete oï ramo,’ jei chupe reta,” jei Jesús.

San Juan 8:35

“Jare kua pe ime ye oï mbae pikuaa waerä. Uyeyokui wae reta ndarau yureko tëta iya jëtararä etei. Erëi taɨ ko jae jëtara jaeño mái pewa,” jei.

Gálatas 3:18

Tumpa ipɨakawi ramo, uyapo ñotái ko jae jei Abraham pe wae. Jayawe mbaetɨ ko opaete Moisés arakae uikuatía wae yaiko wae rupi Tumpa uyapo ikawi wae yandewe. Tumpa uyapo ikawi wae yandewe jae jei uyapota iko ramo.

Gálatas 4:7

Jayawe, ¿mbae pa añawe yaikuaa kua pe? Pe reta mbaetɨ ma ko jae täta uyeyokui wae reta rami. Pe reta Tumpa taɨ reta ma ko. Jare taɨ reta ma peï ramo, opaete mbaembae Tumpa umeeta taɨ reta pe wae pemaerä ma ko wi Cristo uyapo pewe wae rupi.

1 Pedro 1:4

Echa’ä Tumpa upi oï yanemaerä ara pe. Jare joko pe jokua mbaembae ndarau etei ikumewa, jare ndarau jüu, jare ndarau ukañɨ yandewi.

1 Juan 2:19

Jae reta uyembatɨse yande ndiwe añetete wae nunga. Erëitu opa ma usɨrɨ reta yandewi. Jae reta uñemɨïru’ä añetete rewe yande ndiwe. Jae reta añetete uñemɨïru yande ndiwe yawe, jekuaeñota tëi yureko yande ndiwe. Erëi opa usɨrɨ reta yandewi. Jukuärái yaikuaa jae reta mbaetɨ ko yande rami, echa’ä jae reta Tumpa pewa’ä ko.