Génesis 2:9 - Biblia

⁹ Jare Tumpa umbɨyekuaa jokua mbaewɨyerenda pe opaete ɨwɨra reta umee ía ikawi uyekuaa wae jare ikawi ko yau waerä wae. Jae ramiño wi oñono jokua mbaewɨyerenda mbɨte pe mokui ɨwɨra ambɨe ye ye wae. Pëti ko ɨwɨra ía tekowe umee wae, jare ïru ko ɨwɨra ía uikuaaka ikawi wae jare ikawi mbae wae.

Génesis 2:9 Iomraidhean Croise

Génesis 2:17

“Erëi jokua ɨwɨra ía uikuaaka ikawi wae jare ikawi mbae wae awɨye jeu. Echa’ä jokua ara ndeu yawe, nemanota ko.” Jukuärái jei chupe.

Génesis 3:22

Joko wi Tumpa jei: “Mase, añawe kua kuimbae uikuaa oï ikawi wae jare ikawi mbae wae re yande rami. Erëi añawe, awɨye tueki tou wi jokua ɨwɨra ía tekowe umee wae. Echa’ä jou yawe, jekowe iyapɨta’ä,” jei.

Génesis 3:24

Jare omoë ma yawe kuimbae mbaewɨyerenda wi, Tumpa oñono araɨwa reta, kerubín jei chupe reta wae, mbaewɨyerenda warasɨ oë wae kotɨ. Jare oñono wi kɨsepuku jendɨ wae uyembɨwawa oï awɨye waerä kiawe oya ɨwɨra ía tekowe umee wae re.

Génesis 3:3

Erëi pëtiño ɨwɨra ía mbaewɨyerenda mbɨte pe oï wae orepuere’ä ndou. Echa’ä Tumpa jei orewe: ‘Jokua ɨwɨra ía awɨye peu. Awɨye awe pipɨsɨ awɨye pemano waerä,’ jei Tumpa orewe.” Jukuärái jei kuña mboi pe.

Génesis 3:5

“Tumpa jei pewe, ‘Awɨye peu,’ echa’ä jae uikuaa jokua ara peu yawe, pikota Tumpa rami, echa’ä pikuaata ikawi wae jare ikawi mbae wi,” jei mboi kuña pe.

San Juan 6:48

Che ko jae mbɨyape tekowe opa mbae wae amee wae,” jei Jesús chupe reta.

1 Corintios 8:1

Jae nunga wi pepɨrandu chewe ikawi ra yau waerä soo tumparaanga pe uñemee ma wae. Añawe ime amokue mbae re yayemɨngeta waerä yandepɨa pe. Amokue pe reta pere peï: “Ore nduikuaa kawi kua rewa,” pere. Jokua jaekawi tëi ko. Erëi yandearakuaa pochɨño ko yayembutuicha waerä. Ikawiete ko yayerau päwe waerä, echa’ä jukuärái ñañemɨmɨräta päwe Tumpa kotɨ.

Apocalipsis 2:7

‘Ipotawe kía uipota uikuaa kawi wae, tuyapɨsaka kua ñee re – jae ko Espíritu Santo jei oï cheré wɨrowia wae reta pe kerupi rupi uyembatɨ ñonoï wae reta pe. ‘Ikawi mbae wae umɨamɨri wae reta pe ameeta jou reta waerä ɨwɨra ía Tumpa jëta pe oï wae. Jae ko ɨwɨra tekowe umee wae.’ Jukuärái ikuatía,” jei chewe.

Apocalipsis 22:14

“Uyekouete ñonoï opaete ikɨa mbae Tumpa kotɨ ñonoï wae reta. Echa’ä jae reta uiketa ipɨawiwe rewe öke reta rupi kua tëta wasu pe, jare jouta reta ɨwɨra ía tekowe umee wae,” jei.

Apocalipsis 22:2

Jare usɨrɨ tëta wasu icalle mbɨte rupi. Jare ɨ wasu jembeɨ rupi oyowai rewe ñonoï ɨwɨra ía tekowe umee wae reta. Jokua ɨwɨra reta umee ía doce wese opa año rupi – jae ko opa yasɨ rupi pëti wese. Jare ɨwɨra jokɨ ikawi ɨwɨ pewa reta uñepɨano pɨpe waerä.