Génesis 2:7 - Biblia

⁷ Jayawe Tumpa uyapo kuimbae ɨwɨkuí wi, jare umee chupe ipütuerä. Jukuärái kuimbae umbɨpɨ tekowe onoi.

Génesis 2:7 Iomraidhean Croise

Génesis 1:27

Jayawe Tumpa uyapo kuimbae jae echa rami. Kuimbae jare kuña wi uyapo.

Génesis 2:6

Erëi ɨwɨ wi oë ɨtimbo uyeyapo ɨsapi jare jukuärái umbɨu opaete ɨwɨ.

Génesis 3:19

Jeta ndepireita, echa’ä ndeparawɨkɨta ko täta ime waerä nderembiurä nemano rewa jare nderete oo ye rewa uyea ɨwɨ ndiwe. Ɨwɨkuí wi ayapo nderete, jare ɨwɨkuí ko nde, jare ɨwɨkuirä ndeo yeta,” jei Tumpa Adán pe.

Génesis 3:23

Jáeramo Tumpa omoë mbaewɨyerenda Edén wi kuimbae, joko wiwe iko waerä maetɨ re. Tumpa uyapo jokua kuimbae ɨwɨ wi etei jare añawe jae imeta ko umaetɨ ɨwɨ pe onoi waerä jembiurä.

Génesis 7:22

Opaete ipütúe wae ɨwɨ rupiwa reta opa umano.

San Juan 20:22

Jare kua jei yawe, Jesús omondo ipütúe ikotɨ reta jei rewe: “Penoi Espíritu Santo,” jei chupe reta.

Hechos 17:25

“Jare Tumpa ueka’ä etei yandewe mbae awe jae ipuere iko waerä. Echa’ä jae ko umee yandewe yanderekowerä, jare ñanepütuerä, jare opaete mbaembae yaiko waerä,” jei chupe reta.

Romanos 9:20

Erëi ¿kía pa ko yande yambɨjeko waerä Tumpa? Echa’ä yande ko jae Tumpa jembiapo. Jare ikawi’ä etei ko tembiapo jei waerä iyapoa pe kuärái: “¿Maera pa nde chapo kuärái?” jei waerä.

1 Corintios 15:45

Yaikuaa kawi waerä kua mbaembae rewa, yaecha ñamae yandetenondewaete reta Adán jare Cristo re. Uyekuatía oï Tumpa iñeerɨru pe kuärái: “Kuimbae tenondewaete Adán jee wae umbɨpɨ tekowe onoi.” Jukuärái jei, jare jokua uyemɨngeta oï tekowe ɨwɨ pewa re. Erëi Cristo ko jae yandetenondewaete taɨkue rupi outa iko wae, jare jae ko umee yandewe tekowe ara pewa.

1 Corintios 15:47

Jare ¿këraita ra ko oï kuri yanderete? Jokua kuimbae tenondewaete wae ɨwɨ pewa ko, echa’ä ɨwɨ wi etei Tumpa uyapo ramo. Jare jukuärái wi yanderete ɨwɨ pewa ko Adán jete rami. Erëi joko wi ɨma katu rupi ou wi kuimbae ambɨe ye wae ara pewa – jae ko Cristo. Jare añawe yande ko jae Cristo pewa ramo, yanderete oïta wi kuri jae jete rami – jae ko ara pewa.

2 Corintios 4:7

Ore parawete reta orepɨräta’ä noï. Erëi Tumpa umee orewe kua mbarawɨkɨ ikawiete wae. Jae ko kía umbɨru oï mbae ikawiete wae pëti yambɨi oyɨ kawi mbae wae pe rami. Erëi jukuärái ko uyekuaa waerä ore rupi ipotawe mbaepuere nonoi wae Tumpa wi ko ou. Ou’ä ko orewi.

2 Corintios 5:1

Yande yaikuaa yanderete kua ɨwɨ pewa opata ko. Jae ko pëti tëta ɨma’ä iko wae rami. Erëi yanderekowe opa yawe kua ɨwɨ pe, Tumpa umeeta yandewe yanderete ipɨau wae. Jare jokua ndarau etei opa, echa’ä ara pewa ko. Kua ɨwɨ pewa’ä ko.

1 Timoteo 2:13

Echa’ä Tumpa uyapo Adán rani, joko wi ramo uyapo Eva.

Hebreos 12:9

Jare wi yande reta, yande michi raɨ mii yaiko yawe, yanderu reta kua ɨwɨ pewa yanembɨarakuaa. Jare yaipɨu wi ko chuwi reta. ¿Maera pa jayawe ñañemee’ä yandeRu ara pewa pe jae yanembɨarakuaa waerä jare jukuärái yayekou waerä tekowe añetete wae re?