Génesis 2:18 - Biblia

¹⁸ Jare Tumpa jei iyupe: “Ikawi’ä ko kuimbae iko waerä jaeño. Ayapota chupe ïrurä ikawiete wae,” jei iyupe.

Génesis 2:18 Iomraidhean Croise

Génesis 1:31

Jare Tumpa uecha opaete jembiapo reta ikawiete ko. Jare uasa yawe pɨ̈tu jare ara, owa ara ma.

Génesis 2:20

Adán umbɨjee opaete mbaemɨmba reta tëta rupiwa, jare wɨra reta, jare opaete mbaemɨmba reta ñana rupiwa. Erëi mbaetɨ iko Adán pewarä ïrurä.

Génesis 3:12

Jare Adán jei chupe: “Kuña nde nemee cheïrurä wae umee chewe jare che jau jokua ɨwɨra ía,” jei.

1 Corintios 7:36

Erëi pëti kuimbae tayɨ uasa ma oï umenda ara wae, jare kuimbae pe mbaetɨ ikawi tayɨ jukuäraiño oï waerä, jare tayɨ uipota wi umenda yawe, jayawe tumaeño jese umenda waerä. Jokua mbae kachi wae’ä ko Tumpa jowai.

1 Pedro 3:7

Jae nunga wi che tae kuimbae reta pe kuärái: Tuiko kawi reta jembireko ndiwe. Timandúa reta kërái kuña reta ipɨräta’ä ko chuwi reta. Jáeramo tuyandareko kawi jese reta jare tumbutuicha reta, echa’ä kuña reta uyekou ñonoï wi tekowe opa mbae wae re ime reta ndiwe. Erëi kuimbae reta uyandareko kawi’ä yawe jembireko re, yawaita chupe reta uyerure waerä Tumpa pe mbaembae re.