Génesis 2:17 - Biblia

¹⁷ “Erëi jokua ɨwɨra ía uikuaaka ikawi wae jare ikawi mbae wae awɨye jeu. Echa’ä jokua ara ndeu yawe, nemanota ko.” Jukuärái jei chupe.

Génesis 2:17 Iomraidhean Croise

Génesis 2:9

Jare Tumpa umbɨyekuaa jokua mbaewɨyerenda pe opaete ɨwɨra reta umee ía ikawi uyekuaa wae jare ikawi ko yau waerä wae. Jae ramiño wi oñono jokua mbaewɨyerenda mbɨte pe mokui ɨwɨra ambɨe ye ye wae. Pëti ko ɨwɨra ía tekowe umee wae, jare ïru ko ɨwɨra ía uikuaaka ikawi wae jare ikawi mbae wae.

Génesis 3:11

Jayawe Tumpa upɨrandu chupe: “¿Kía pa jei ndewe nenani neï wae? ¿Ndeu pa jokua ɨwɨra ía che jae ndewe awɨyeta tëi ndeu wae?” jei.

Génesis 3:17

Jare Tumpa jei Adán pe: “Nembireko jei wae ndiyapo ramo, jare ndeu jokua ɨwɨra ía che jae ndewe awɨyeta tëi ndeu wae ramo, añawe ayepɨpeyuta ɨwɨ re ndereko pewa,” jei. “Añawe wiwe jeta yembɨawái rewe ndeparawɨkɨta ime waerä nderembiurä nderekowe opa rewa.

Génesis 3:19

Jeta ndepireita, echa’ä ndeparawɨkɨta ko täta ime waerä nderembiurä nemano rewa jare nderete oo ye rewa uyea ɨwɨ ndiwe. Ɨwɨkuí wi ayapo nderete, jare ɨwɨkuí ko nde, jare ɨwɨkuirä ndeo yeta,” jei Tumpa Adán pe.

Romanos 1:32

Jare jokuaño’ä ko, echa’ä jae reta uikuaa kawi tëi ko kërái Tumpa jei: “Opaete kua mbaembae uyapo wae reta tumano.” Erëi yepe tëi uikuaa reta, jesewe mbae’ä chupe reta. Jekuaeño uyapo reta jokua mbaembae ikawi mbae wae. Jare ïru reta wi uyapo yawe mbae ikawi mbae wae, chupe reta ikawi ko. Jukuärái ko opaete wɨrɨ̈ro Tumpa wae reta.

Romanos 6:16

Echa’ä yaikuaa ñaï ñañemee ma yawe kía pe yayapo waerä jae jei wae, yayeyapo ma ko ipionerä. Jayawe yande ñañemee yayawɨ waerä Tumpa jei wae yawe, jokua oïta yandepatrón rami. Jare jokua jaeño ueruta oï yandewe mano – jae ko yanembɨsɨrɨta oï Tumpa wi jaeño mái pewa Tatawasurenda pe. Erëi Tumpa peño yayeyokui ñaï yawe, jekuaeño yandereko oya katu oo oï jupi wae re.

Romanos 6:23

Echa’ä mbaembae yayawɨ Tumpa kotɨ wae jepɨ ko mano – jae ko yembɨsɨrɨ Tumpa wi jaeño mái pewa Tatawasurenda pe. Erëi Tumpa umee yandewe tekowe opa mbae wae jepɨ mbae awe. Jare kua re ko yande yayekou ñaï, echa’ä pëti ramiño ko ñaï yandeYa Jesucristo re ramo. Jukuärái ko. Jáeramo mbaetɨ ikawi jekuaeño yayawɨ waerä Tumpa jei wae.

Romanos 8:2

Echa’ä yepe tëi yayawɨ Tumpa kotɨ, jare jokua jeko pewa imeta tëi ko ya Tatawasurenda pe, erëi añawe Tumpa yanderepɨ ma chuwi Jesucristo rupi. Echa’ä pëti ramiño ñaï Jesucristo re, jare jukuärái Tumpa umee yandewe Espíritu Santo. Jare jokua Espíritu Santo rupi ime ma ñanoi tekowe ipɨau wae. Jáeramo ndarau ma Tumpa yanembɨsɨrɨ iyuwi.

1 Corintios 15:56

Mase, mano oa ma yanderé yayawɨ Tumpa kotɨ jeko pewa. Añetete, Tumpa jei wae yayawɨ ramo, jekuaeño tuicha teko pe ñaï Tumpa jowai.

Gálatas 3:10

Erëi opaete kía Moisés arakae uikuatía wae rupi uipota tëi uyembujupika Tumpa kotɨ wae reta, jae reta añetete ko ñonoï Tumpa iarasɨ pe. Echa’ä Tumpa iñeerɨru pe uyekuatía oï kuärái: “Kía mbaetɨ uyapo yawe opaetei Tumpa uikuatiaka wae rupi, Tumpa iarasɨ toa jese.” Jukuärái uyekuatía oï.

Efesios 5:14

Jokua jeko pewa ko jei chupe reta kuärái: “Ndeke neï wae, esarekoño ma. Epüa eyu umanokue wae reta ipɨte wi. Jare Cristo umeeta oï ndewe tembipe,” jei chupe reta.

1 Timoteo 5:6

Erëi ime yawe pëti kuña ime umano chuwi wae jare jae jekuaeño iko jete uipota uyapo wae rupiño, jae ko umano wae echa iko mbɨrɨ Tumpa wi. Jáeramo jokua nunga ndarau ikawi yamborɨ waerä.

Santiago 1:15

Jare yande reta ñamaeño jese yawe, uyapoka yandewe teko kachi. Jare taɨkue rupi jokua yandereko kachi opa ma uyembapɨ yawe, ueru yandewe mano.

1 Juan 5:16

Jayawe pëti hermano uecha yawe ïru hermano uyawɨ oï Tumpa jei wae, tuyerure Tumpa pe jese jokua jae uyawɨ wae mano pewa’ä yawe. Jare Tumpa umbɨpɨau yeta oï jekowe. Jukuärái ko kía mbae uyawɨ wae mano pewa’ä yawe. Erëi ime pëti mbae yayawɨ wae mano pewa. Jare mbaetɨ che jae aï tuyerure jokua re.

Apocalipsis 2:11

‘Ipotawe kía uipota uikuaa kawi wae, tuyapɨsaka kua ñee re – jae ko Espíritu Santo jei oï cheré wɨrowia wae reta pe kerupi rupi uyembatɨ ñonoï wae reta pe. ‘Ikawi mbae wae umɨamɨri wae reta ndarau etei uiporara mano mokuía re.’ Jukuärái ikuatía,” jei chewe.

Apocalipsis 20:14

Jare opaete kía kía jee uyekuatia’ä oï jokua tupapire pe wae reta Tumpa opa omomboka reta Tatawasurenda pe. Kua ko jae mano mokuía jei chupe reta wae. Jare joko wiwe ndarau ye ma ime mano jare umanokue wae reta jenda, echa’ä jokua mbaembae opa ma ukañɨ tata wasu pe.

Apocalipsis 20:6

Jare jokua tenonde ikowe ye wae reta uyekouete ñonoï. Echa’ä Tumpa oñono tee ma reta jae imaerä, jare ndarau uiporara reta Tatawasurenda pe – jae ko jokua mano mokuía jei chupe reta wae. Jae reta yurekota sacerdote retarä uyeyokui waerä Tumpa pe jare Cristo pe. Jare jae reta ñonoïta mburuwicharä Cristo iyɨpɨ pe miri año pewa.

Apocalipsis 21:8

“Erëi jokua urukɨye jekowe umee wae reta, jare uipota’ä wɨrowia cheré wae reta, jare mbae kachi wae uyapo wae reta, jare upuruyuka wae reta, jare iawasapota wae reta, jare ipaye wae reta, jare tumparaanga re umbɨadora wae reta, jare opaete iyapu wae reta wi – opaete jokua nunga reta iyapɨ ko jae tata wasu azufre jendɨ oï wae pe. Kua ko jae mano mokuía jei chupe reta wae,” jei Tumpa.