Génesis 19:9 - Biblia

⁹ Jayawe kuimbae tëta wasu pewa reta iñeeäta rewe jei Lot pe: “¡Esɨrɨ kua wi!” Jare jei wi iyupe reta: “Ñamaeño yaiko kua kuimbae re iko waerä yandepɨte pe, erëi añawe jae uipota tëi iko yanemburuwicharä. ¡Ndarau etei!” jei iyupe reta. Jáeramo jei reta Lot pe: “¡Añawe nduyapota ndekotɨ ikawi mbaete ye wae jokua ïru kuimbae reta wi!” jei reta chupe. Jayawe jae reta uepeña Lot, jare oya reta öke re uitɨ reta waerä tëi.

Génesis 19:9 Iomraidhean Croise

Génesis 11:6

Joko wi Tumpa oo yewɨ ara pe jare jei: “¡Mase! Kua kuimbae reta jaeramo umbɨpɨ uparawɨkɨ ñonoï jare jeta mbaembae uyapo ma reta, echa’ä uyeyapo ñonoï pëti ramiño jare uyemɨngeta reta pëti ñee peño ramo. Jayawe ɨmambaeño ipuereta tëi opa uyapo reta opaete mbaembae ipɨayemɨngeta jese wae,” jei.

Génesis 13:12

Jayawe Abram upɨta ɨwɨ Canaán pe. Erëi Lot jare jëtara reta yuraa yureko waerä koiño tëta wasu ɨwɨ ipe tuicha wae rupiwa reta wi. Jare umbɨyemboɨ jëta wakapi pewa reta koiño tëta wasu Sodoma jee wae wi.

Éxodo 2:14

Jayawe jokua kuimbae hebreo jei Moisés pe: “¿Kía pa neñono ma oremburuwicharä nde ndere waerä orereko rewa?” jei. “¿Ndipota pa cheyuka wi, jokua kuimbae Egipto pewa káarumo ndiyuka wae rami?” jei chupe. Jokua uyandu yawe, Moisés ukɨye jare jei iyupe: “Jokua ayapo wae uñemi’ä etei ko jayawe,” jei iyupe.

San Mateo 7:6

Jare jei wi chupe reta: “Ime yawe kía uipota’ä uyapɨsaka Tumpa iñee re wae, ¿mbae ra yayapota yande reta? ¿Ñameeta ra mbae ikawiete ye wae yɨmba reta pe? Jare ¿ñameeta ra ita ikawiete wae jare jepɨete wae kuchi reta pe? Ndarau ñamee, echa’ä mbae’ä chupe reta. Kuchi reta upɨ̈roñota jese, jare yɨmba reta ipuereta ou yandesuu. Jukuärái wi jupi’ä ko jekuaeño yamɨmbeu waerä Tumpa iñee kía pe uipota’ä uyapɨsaka jese yawe,” jei chupe reta.