Génesis 19:3 - Biblia

³ Erëi Lot umɨñera ye oo waerä upɨta reta jëta pe. Jayawe ramo jae reta yuraa Lot ndiwe jare uike reta jae jëta pe. Jare Lot omboyɨka mbɨyape levadura mbae wae jare uyapoka chupe reta tembiu jëe ngatu wae umɨngaru reta waerä. Jayawe ukaru reta.

Génesis 19:3 Iomraidhean Croise

Génesis 19:2

Jare jei chupe reta: “Chemburuwicha reta, ¿chepuere pa pomborɨ? Aeka pewe peyu waerä cherëta pe. Cherëta pe pepɨta. Joko pe pepuere piyoe pepɨ jare peputuu. Jare pɨarewe pe ndimboweasɨ peasa ye kuri,” jei chupe reta. Erëi jae reta jei chupe: “Mbaetɨ. Ndupɨtañota kua plaza pe,” jei reta chupe.

Génesis 21:8

Jayawe Isaac tuicha ma yawe, ichɨ umbɨkambupoi. Jayawe Abraham uyapo arete yerowia pewa, echa’ä Isaac ukambupoi ramo.

Éxodo 12:15

Tumpa jei wi Moisés jare Aarón pe: “Pemɨmbeu wi opaete Israel iñemoñaa reta pe kuärái: ‘Chiu ara rupi peuta mbɨyape levadura mbae wae. Jukuärái wi ara tenondewa pe opa peki opaete levadura perëta pe oï wae. Jare jokua chiu ara reta rupi, ime kía jou yawe mbɨyape levadura rewe wae, jayawe joko wiwe awɨye piñemɨïru jae ndiwe.

Éxodo 12:39

Jayawe yuraa uwäe reta kiape uputuuta ñonoï wae pe. Joko pe omboyɨ reta mbɨyape levadura mbae ueru reta ɨwɨ Egipto wi wae. Uyapo reta levadura mbae, echa’ä ɨwɨ Egipto pewa reta umɨaniete reta oë yuraa waerä. Jáeramo uepitɨ'ä ara chupe reta omboyɨ reta waerä.

San Lucas 11:8

“Erëi che tae pewe, yepe tëi jokua tëta iya uipota’ä upüa, erëi japicha ikueri’ä uyerure chupe ramo, upüata ko umee chupe opaete ueka wae. Mbaetɨ ko jae ïru ramoño umeeta chupe,” jei Jesús chupe reta.

San Lucas 14:23

“Jayawe jokua karái jei ye uyeyokui wae pe: ‘Ekua opaete tape wasu rupi jare koo reta rupi, jare ere neowäiti wae reta pe yuweru waerä tɨnee reta waerä cherëta pe,’ jei.

San Lucas 5:29

Jare kaaru katu ma yawe, Leví uyapoka tembiu jëta pe Jesús pewarä. Jare uparea wi mburuwicha pewarä okowara wae reta pe jare ïru wae reta pe.

San Juan 12:2

Jare amokue Betania pewa reta uyapo mbae nunga tembiu mii jou reta waerä Jesús ndiwe. Marta oñono iko tembiu, jare Jesús jare Lázaro uwapɨ ukaru iko ïru reta ndiwe.

1 Corintios 5:8

Jáeramo jekuaeño ko yayemɨmanduata Cristo uyapo yandewe wae re. Jare ¿kërái ra yayapota jokua? Awɨyeta ma ko yaiko ye teko kachi rupi. Imeta ko yaiko jupi rupi jare teko kawi rupi.

2 Corintios 5:14

Echa’ä ore nduikuaa Cristo yanderauete ko, jare jokua oremɨatangätu oï. Echa’ä nduikuaa Cristo umano yanderé. Jáeramo opaete yande ñamano rami wi ko yandereko indechikue wi.

Hebreos 13:2

Jare jekuaeño pembɨasa kawi mboupa reta perëta pe, echa’ä jukuärái amokue wae reta umbɨasa ma jëta pe araɨwa reta uikuaa mbae rewe.