Génesis 19:24 - Biblia

²⁴ Jayawe aramoiño Tumpa ombou ara wi tata jare azufre jendɨ wae tëta wasu reta Sodoma jare Gomorra re.

Génesis 19:24 Iomraidhean Croise

Génesis 13:10

Jare Lot umae jare uecha ɨwɨ ipe tuicha wae ɨ wasu Jordán jee wae kotɨ tëta wasu raɨ Zoar jee wae pe rewa. Ikawiete ko jokua ɨwɨ, jare iñäkɨ ngatu ɨwɨ Egipto pe ɨ wasu jembeɨ rupi ɨwɨ oï wae rami. Jae uecha jokua mbaewɨyerenda Edén pe wae rami. Jukuärái iko ndei Tumpa opa umbái mbowe tëta wasu reta Sodoma jare Gomorra jee wae.

Génesis 13:12

Jayawe Abram upɨta ɨwɨ Canaán pe. Erëi Lot jare jëtara reta yuraa yureko waerä koiño tëta wasu ɨwɨ ipe tuicha wae rupiwa reta wi. Jare umbɨyemboɨ jëta wakapi pewa reta koiño tëta wasu Sodoma jee wae wi.

Génesis 18:17

Jayawe Tumpa uyemɨngeta ipɨa pe: “Kua ayapota aï tëta wasu Sodoma pe wae añomita’ä aï Abraham wi.

Génesis 19:23

Warasɨ oë ma iko yawe, Lot jare jembireko jare tayɨ reta yuraa uwäe tëta wasu raɨ Soar pe.

Éxodo 9:23

Jáeramo Moisés upi yawe ipopoka ara kotɨ, Tumpa ombou woi amandau uwera amaterere rewe. Jukuärái Tumpa ombou jeta amandau tuichaete wae opaete ɨwɨ Egipto rupi.

San Lucas 10:12

“Che tae pewe, jokua ara ɨwɨ pewa reta uyemboɨ yawe Tumpa jowai Tumpa umbɨjeko reta waerä, jokua tëta wasu pewa reta tätaete ye uiporarata ñonoï jokua arakae tëta wasu Sodoma pewa reta wi,” jei Jesús chupe reta.

2 Pedro 2:6

Jare jae nunga wi yandepuere yanemandúa mbae uasa arakaete tëta wasu reta Sodoma jare Gomorra pe. Jokua tëta wasu pewa reta jeko kachi Tumpa jowai. Jáeramo Tumpa ombou tata jokua tëta wasu reta re jare opa umbái reta. Jaeño upɨta tanimbu joko pe. Tumpa jokua uyapo uikuaaka waerä yandewe mbae uasata oï wae Tumpa wi uipɨu’ä wae reta pe.

Judas 1:7

Jare jae nunga wi yanemandúa jokua tëta wasu reta Sodoma jare Gomorra jare iyɨpɨ rupi yureko wae reta re. Jae reta jokua araɨwa reta rami uipota’ä yureko kërái Tumpa uyapo reta wae rupi. Echa’ä uyapo reta awasa opa kërái rái jare kuimbae reta uipotaete jae yepái uyereroke reta. Jáeramo Tumpa tuicha rupi uiporaraka chupe reta tata pe. Jare jukuärái Tumpa uikuaaka opaete wae pe awɨye waerä mbae kachi yayapo jae reta rami. Echa’ä jokua nunga mbae kachi uyapo wae reta uiporarata tata owe mbae wae pe.