Génesis 19:17 - Biblia

¹⁷ Jare onoe reta ma yawe tëta wasu oka pe, pëti araɨwa jei chupe reta: “¡Pekua wɨrae kua wi, jare awɨye pemae peraɨkue kotɨ! ¡Awɨye etei pepɨta kua ɨwɨ ipe tuicha wae rupi! ¡Pekua pea ɨwɨtu wasu kotɨ awɨye waerä pemano!” jei chupe reta.

Génesis 19:17 Iomraidhean Croise

Génesis 13:10

Jare Lot umae jare uecha ɨwɨ ipe tuicha wae ɨ wasu Jordán jee wae kotɨ tëta wasu raɨ Zoar jee wae pe rewa. Ikawiete ko jokua ɨwɨ, jare iñäkɨ ngatu ɨwɨ Egipto pe ɨ wasu jembeɨ rupi ɨwɨ oï wae rami. Jae uecha jokua mbaewɨyerenda Edén pe wae rami. Jukuärái iko ndei Tumpa opa umbái mbowe tëta wasu reta Sodoma jare Gomorra jee wae.

Génesis 18:22

Jare mokui jokua mboupa reta oë yuraa Abraham oï wae wi yuraa tëta wasu Sodoma kotɨ. Erëi Abraham upɨtaño Tumpa jowai.

Génesis 19:18

Erëi Lot jei chupe: “¡Awɨye mii, cheya!” jei. “Ndarau orepuere ndoo nuwäe joko pe.

Génesis 19:22

Erëitu pekua woi joko pe, echa’ä chepuere’ä ayapo mbae awe pewäe joko pe rewa,” jei chupe. Jáeramo jokua ora wiwe, jokua tëta wasu raɨ jee Soar.

Génesis 19:26

Erëi Lot jembireko oo jupie jare uyerowa umae jaɨkue kotɨ. Jayawe uyeyapo woi yukɨrä.

San Mateo 3:7

Pëti ara jeta fariseo reta jare saduceo reta wi yuweru Juan oï wae pe, echa’ä jae reta uipota tëi uyembɨsakambuka ɨ pe. Erëi Juan uecha reta yawe, jei chupe reta: “¡Pe reta ko jae upurumbɨtawɨ wae reta!” jei chupe reta. “¿Këraita pa añawe pipota peoyepe waerä Tumpa iarasɨ wasu oata oï peré wae wi?” jei chupe reta.

San Lucas 12:23

“Echa’ä ñaï'ä ko yakaru wae reño. Jare yanderete oï'ä ko temimonde reño,” jei chupe reta.

San Lucas 9:62

Jayawe Jesús jei chupe: “Kía umbɨpɨ ma umungúi ɨwɨ arao pɨpe wae jare umae jaɨkue kotɨ wae, ndarau ikawi jokua mbarawɨkɨ pewarä. Jae ramiño wi ime yawe kía uipota uyeyokui Tumpa pe wae, ikawi’ä ko jekuaeño ipɨa pe uyemɨngeta waerä mbaembae ueya ma wae re. Echa’ä Tumpa ndarau uiporu jokua nunga reta iñee umɨmbeu waerä,” jei Jesús chupe.

Hebreos 2:3

Erëi ñee tekowe opa mbae wae rewa ikawiete ko. Jayawe, ¿këraita pa yayepe Tumpa iarasɨ wi yayapɨsaka’ä yawe jokua ñee re? Ndarau yandepuere. Jokua ñee ipɨau wae ikawiete ko, echa’ä yandeYa etei tenonde umɨmbeu. Jare jaɨkue rupi jae iñee uyandu wae reta umɨmbeu yuapɨ ye yandewe jupi rupi.