Génesis 19:1 - Biblia

¹ Kaaruete ma iko yawe, jokua mokui araɨwa reta yuraa uwäe tëta wasu Sodoma pe. Jare Lot uwapɨ oï yembatɨrenda pe tëta wasu ikësea jöke iyɨpɨ pe. Jare Lot uecha yawe, upüa oo owäiti jare uñeñono ɨwɨ re uipɨu rewe. Jukuärái umbɨsaluda.

Génesis 19:1 Iomraidhean Croise

Génesis 11:27

Kua reta ko jae Taré iñemoñaa reta: Taré taɨ reta ko jee Abram, Nacor, jare Harán. Harán taɨ ko jee Lot.

Génesis 13:12

Jayawe Abram upɨta ɨwɨ Canaán pe. Erëi Lot jare jëtara reta yuraa yureko waerä koiño tëta wasu ɨwɨ ipe tuicha wae rupiwa reta wi. Jare umbɨyemboɨ jëta wakapi pewa reta koiño tëta wasu Sodoma jee wae wi.

Génesis 18:16

Joko wi jokua mboupa reta upüa yuraa ye reta waerä tëta wasu Sodoma jee wae kotɨ. Jare Abraham oo umɨïru imboupa reta omondo ye reta waerä. Jare yuraa uwäe reta pëti ɨwɨtu wasu ɨwate wae re. Joko wi ipuere umae reta tëta wasu Sodoma re.

Génesis 18:22

Jare mokui jokua mboupa reta oë yuraa Abraham oï wae wi yuraa tëta wasu Sodoma kotɨ. Erëi Abraham upɨtaño Tumpa jowai.

Génesis 19:10

Erëi jokua mokui araɨwa reta aramoiño uipea reta öke. Jare omoë reta ipo jare uipɨsɨ reta Lot, jare umɨinge ye o pe. Joko wi uyukenda ye woi öke.

Génesis 19:2

Jare jei chupe reta: “Chemburuwicha reta, ¿chepuere pa pomborɨ? Aeka pewe peyu waerä cherëta pe. Cherëta pe pepɨta. Joko pe pepuere piyoe pepɨ jare peputuu. Jare pɨarewe pe ndimboweasɨ peasa ye kuri,” jei chupe reta. Erëi jae reta jei chupe: “Mbaetɨ. Ndupɨtañota kua plaza pe,” jei reta chupe.

San Lucas 17:28

“Jare jukuäraiete wi uasa arakae Lot iko rambuewe. Pikuaa kawi peï Lot iko yawe tëta wasu Sodoma pe, jokua tëta wasu pewa reta ukaruñoi jare ukauñoi, jare jekuaeño owa reta jare owaka reta mbaembae, jare umaetɨñoi reta, jare uyapoñoi reta jëtarä,” jei.

Hebreos 13:2

Jare jekuaeño pembɨasa kawi mboupa reta perëta pe, echa’ä jukuärái amokue wae reta umbɨasa ma jëta pe araɨwa reta uikuaa mbae rewe.