Génesis 18:9 - Biblia

⁹ Jare opa ukaru reta yawe, pëti mboupa upɨrandu Abraham pe: “¿Kiape pa oï nembireko Sara?” jei. Jare Abraham jei chupe: “Jae oï o pe,” jei.

Génesis 18:9 Iomraidhean Croise

Génesis 18:10

Jayawe mboupa jei Abraham pe: “Kua wi ïruwe año pe ayu yeta aï. Jare nembireko Sara imembɨta ma oï kuimbae,” jei chupe. Jare Sara oï jae reta jaɨkue kotɨ jëta wakapi pewa japɨpe, jare uyapɨsaka wɨari oï jese öke wi.

Génesis 18:8

Jare opa uyapo yawe jokua tembiu reta, Abraham ueru wara jare neche jare toro taurusu wae isoo oyɨkue, jare umee imboupa reta pe. Jare imboupa reta ukaru yureko rambuewe, Abraham uyemboɨ koiño ɨwɨra reta iwarasɨ̈a íɨwɨ pe uyeyokui waerä chupe reta.

Génesis 24:67

Amokue año uasa ma yawe, Isaac wɨreko jembirekorä Rebeca jee wae, jare wɨraa iko waerä jae ndiwe ichɨ Sara jëtakue wakapi pewa pe. Isaac uauete Rebeca. Jayawe yepe tëi ichɨ umano ma, jesewe Isaac uyembɨpɨakatu jembireko Rebeca ndiwe.

Génesis 3:9

Jayawe Tumpa ueni Adán jare jei chupe: “¿Kiape pa neï?” jei.

Génesis 4:9

Jayawe Tumpa upɨrandu Caín pe: “¿Kiape pa oï nderɨwɨ Abel?” jei. Jayawe Caín jei chupe: “Aikuaa’ä,” jei. “Jae’ä ko che cherɨwɨ iyandarekoa,” jei.

Tito 2:5

Tomboe reta wi kërái uechaka waerä teko kawi, jare awɨye waerä uyapo reta mbaembae kachi wae, jare kërái uyandareko kawi reta waerä jëta re, jare kërái iko reta waerä ipɨakawi rewe jare ime jei wae rupi. Echa’ä jukuärái yureko reta yawe, ïru wae reta ipuereta’ä ma uyemɨngeta kachi yande yaporomboe Tumpa rewa wae re.

Hebreos 11:9

Jare oo uwäe yawe jokua ɨwɨ pe, Abraham uyakao joko pe ipɨawiwe rewe. Echa’ä jae wɨrowia Tumpa re, jare Tumpa jei ma chupe: “Kua ɨwɨ ameeta aï ndewe ndeɨwɨrä jare niñemoñaa reta iɨwɨrä,” jei chupe. Jare Tumpa jukuäraiete jei wi Abraham taɨ Isaac pe jare jumɨmino Jacob pe. Erëi yepe tëi jae reta ko jokua ɨwɨ iyarä etei, erëi jesewe jekuaeño yureko joko pe o wakapi pewa pe ambɨe ɨwɨ pewa echa rami.