Génesis 18:7 - Biblia

⁷ Joko wi Abraham osi oo waka reta ñonoï wae pe, jare uiparawo toro taurusu wae ikɨra kawi wae, jare umee pëti ipione pe. Jayawe ipione jawoi pewa uyuka jare uyapo tembiu jëe ngatu wae.

Génesis 18:7 Iomraidhean Croise

Génesis 18:6

Jayawe Abraham osi oo jare uike jëta wakapi pewa Sara oï wae pe, jare jei chupe: “Eki woi veinte kilo harina ipuasɨ wae, jare iyapo woi mbɨyape jare emboyɨ,” jei chupe.

Génesis 18:8

Jare opa uyapo yawe jokua tembiu reta, Abraham ueru wara jare neche jare toro taurusu wae isoo oyɨkue, jare umee imboupa reta pe. Jare imboupa reta ukaru yureko rambuewe, Abraham uyemboɨ koiño ɨwɨra reta iwarasɨ̈a íɨwɨ pe uyeyokui waerä chupe reta.

Génesis 19:3

Erëi Lot umɨñera ye oo waerä upɨta reta jëta pe. Jayawe ramo jae reta yuraa Lot ndiwe jare uike reta jae jëta pe. Jare Lot omboyɨka mbɨyape levadura mbae wae jare uyapoka chupe reta tembiu jëe ngatu wae umɨngaru reta waerä. Jayawe ukaru reta.

San Mateo 22:4

“Jayawe mburuwicha wasu omondo ye ïru uyeyokui wae reta. Jare jei chupe reta: ‘Pekua pemɨmbeu aparea chupe wae reta pe: ‘Mase, jae ma oï yakaru waerä. Ayukaka ma cheweye reta jare ïru cherɨmba ikɨra wae reta. Opa ma ayapɨkatu kawi. Jayawe peyu kua menda pe perorɨkatu waerä,’ pere chupe reta,’ jei mburuwicha wasu uyeyokui wae reta pe.

San Lucas 15:23

Jare joko wi pekua woi piyuka waka taurusu wae yamɨngɨra ñaï wae jare pemboyɨ,’ jei chupe reta. ‘Yakaru jare yayerowia.

San Lucas 15:27

Jare uyeyokui wae jei chupe: ‘Nderɨwɨ ou yewɨ. Jáeramo nderu uyukaka ma chupe waka taurusu wae umɨngɨra wɨreko wae, echa’ä taɨ ou wɨte ye chupe marái mbae ramo,’ jei chupe.

San Lucas 15:30

‘Erëi añawe kua nderaɨ pochɨ ou ye ramo, nde ndiyukaka wɨrae chupe waka taurusu nemɨngɨra ndiko wae. Jukuärái ndiyapo ma, yepe tëi jae opa ma uiporu opaetei nde nemee chupe wae kuña jete re umɨngana wae reta ndiwe,’ jei taɨ tu pe.