Génesis 18:6 - Biblia

⁶ Jayawe Abraham osi oo jare uike jëta wakapi pewa Sara oï wae pe, jare jei chupe: “Eki woi veinte kilo harina ipuasɨ wae, jare iyapo woi mbɨyape jare emboyɨ,” jei chupe.

Génesis 18:6 Iomraidhean Croise

Génesis 18:5

Pewäe ma ko cherëta pe, jayawe aruta pewe mbɨyape peu waerä jare pekɨrëɨ ngatu ye waerä. Pepɨta mii michi pewa chepɨ ndei peasa mbowe,” jei chupe reta. Jare jae reta jei chupe: “Jaekawi. Iyapo nde ndere rami,” jei reta.

Génesis 18:7

Joko wi Abraham osi oo waka reta ñonoï wae pe, jare uiparawo toro taurusu wae ikɨra kawi wae, jare umee pëti ipione pe. Jayawe ipione jawoi pewa uyuka jare uyapo tembiu jëe ngatu wae.

Génesis 19:3

Erëi Lot umɨñera ye oo waerä upɨta reta jëta pe. Jayawe ramo jae reta yuraa Lot ndiwe jare uike reta jae jëta pe. Jare Lot omboyɨka mbɨyape levadura mbae wae jare uyapoka chupe reta tembiu jëe ngatu wae umɨngaru reta waerä. Jayawe ukaru reta.

San Mateo 13:33

Jare Jesús uyemɨngeta ye umbɨjaanga rewe uyembatɨ wae reta pe. Jei chupe reta: “Jae nunga wi yandepuere yambɨjaanga ye kërái Tumpa imbaepuere mburuwicha wasu pewa jekuaeño uyekuaa oo oï. Jae ko levadura kuña umbɨyea jeta katu harina ndiwe wae rami,” jei. “Echa’ä kuña opa ma masa omona kawi yawe, levadura opa ma uyembɨyea kawi opaete masa rupi,” jei chupe reta.

Hechos 16:15

Jayawe Lidia jare jëtara reta ndiwe uyembɨsakambuka reta ɨ pe wɨrowia reta yandeYa re ramo. Joko wi Lidia uparea orewe ndoo ndupɨta waerä jae jëta pe. Jae jei orewe: “Pe reta pikuaa ma añawe che ko jae Cristo re arowia wae. Jayawe pepɨta mii cherëta pe,” jei orewe. Jare jeta oremɨñera ramo, ndoo ndupɨta jae jëta pe.

Romanos 12:13

Mbae uata yawe ïru hermano reta pe, pemborɨ mbaembae penoi wae pɨpe. Jekuaeño pembɨasa kawi piyerowia rewe opou pepɨ wae reta.

Gálatas 5:13

Jukuärái che jae, echa’ä pe chehermano mii reta, Tumpa mbaetɨ etei ko pereni pe reta piko waerä Moisés arakae uikuatía wae rupi täta uyeyokui wae reta rami. Tumpa pereni ko piko waerä pepɨawiwe rewe. Erëi awɨye pere peyupe: “Tumpa uyapo yandepɨawiwe yaiko waerä. Jáeramo yandepuere yaiko yande yae wae rupiño.” Awɨye jokua. Piyeyokuita ko peyupe piyerau päwe rewe.

Hebreos 13:2

Jare jekuaeño pembɨasa kawi mboupa reta perëta pe, echa’ä jukuärái amokue wae reta umbɨasa ma jëta pe araɨwa reta uikuaa mbae rewe.

1 Pedro 4:9

Jae nunga wi piyembɨasa kawi mii perëta pe piyengeta mbae rewe.