Génesis 18:23 - Biblia

²³ Jayawe Abraham oya katu Tumpa re jare upɨrandu chupe: “¿Nembaita ra jupi wae reta wi jupi mbae wae reta ndiwe?

Génesis 18:23 Iomraidhean Croise

Génesis 18:24

Aramoi ime ñonoï yawe cincuenta jupi wae reta tëta wasu pe, ¿nembaita ra jesewe jokua jupi wae reta ïru wae reta ndiwe?” jei chupe. “Ndarau etei ikawi ndiyapo waerä jukuärái. Neakañɨta ko jokua tëta wasu pewa reta pe jeko kachi jokua cincuenta jupi wae reta jeko pewa.

Génesis 18:25

Ndarau nembái jupi wae reta jupi mbae wae reta ndiwe. Ndarau jupi wae reta nemboyowakeño jupi mbae wae reta ndiwe. Nde ko jae opaete ɨwɨ pewa reta iYa jupi wae, jare ndiyapota jupi wae rupi,” jei Abraham Tumpa pe.

Hebreos 10:22

Cristo opa ma yandepɨa oyoe awɨye waerä yandepɨa jekuaeño yanembɨjeko mbaembae kachi yayapo wae re. Jare kërái sacerdote reta jete oyoe ipuere waerä uyeyokui Tumpa pe rami, jukuärái wi Cristo opa yandepɨayoe Tumpa kotɨ ɨ jesäka kawi wae pe rami ko. Jáeramo Cristo opa ma uyapo yandewe kua mbaembae reta ramo, yaya mii Tumpa re yandepɨa añetete rewe jare yarowia katu rewe.

Santiago 5:16

Jáeramo pe reta piyawɨ yawe Tumpa kotɨ, piyemɨmbeu peyupe piñemɨmichi rewe. Jare piyerure piyé Tumpa pe pekuera waerä. Añetete ko, pëti jupi wae ipɨa rewe uyerure yawe Tumpa pe mbae re, jokua yerure ime onoi mbaepuere.

Santiago 5:17

Echa’ä yanemandúa ñaï Tumpa iñee arakae umɨmbeu wae Elías jee wae re. Jae iko pëti kuimbae yande rami. Erëi jae uyerure Tumpa pe ipɨa rewe awɨye waerä okɨ. Jayawe okɨ'ä etei mbapɨ año jare owa yasɨ rupi.