Génesis 18:19 - Biblia

¹⁹ Che aiparawo ma Abraham uikuaaka waerä iñemoñaa reta pe uyapo reta waerä che jae wae rupi, jare uyapo reta waerä ikawi wae jare jupi wae. Jáeramo che tayapo Abraham pe jare iñemoñaa reta pe opaete jokua ikawi wae che jae aï wae.” Jukuärái Tumpa uyemɨngeta ipɨa pe.

Génesis 18:19 Iomraidhean Croise

Génesis 12:2

Echa’ä ayapota aï niñemoñaa reta jetaete ye,” jei. “Ayapota aï ndewe ikawi wae chiñee rupi jare numɨeräkuakata aï opaete ɨwɨ rupi. Jare ïru wae reta uyekouta ñonoï jokua ndewe mbaembae ikawi wae ayapo wae re.

Génesis 12:3

Ipotawe kía reta uyapo ndewe ikawi wae pe che ayapota ikawi wae. Erëi ipotawe kía reta uyepɨpeyu nderé wae pe che aiporarakata aï. Jare nde rupi opaete ɨwɨ pewa reta uyekouta ñonoï,” jei Tumpa Abram pe.

Génesis 17:9

Jare jei wi chupe: “Nde jare niñemoñaa reta imeta ko jekuaeño piyapo kua yemɨngeta jei wae rupi,” jei. “Piyapota ko kuärái: Tuyembɨcircuncidaka opaete kuimbae reta pepɨte pe ñonoï wae,” jei.

Génesis 22:18

“Niñemoñaa rupi opaete ɨwɨ pewa reta uyekouta, echa’ä nde ndiyapo che jae wae rupi ramo,” jei Tumpa Abraham pe.

Salmo 34:15

Echa’ä yandeYa jekuaeño uyandareko oï jupi wae reta re jare uyapɨsaka oï jae reta uyerure chupe wae re.

San Mateo 25:17

“Jae ramiño wi jokua mokui talento onoi wae umbɨpɨ umɨmbarawɨkɨ, jare umɨngana mokui ye,” jei.

San Juan 10:14

“Che ko jae owecha reta iyandarekoa ikawi wae rami. Echa’ä aikuaa kawi kía kía ko cheowecha reta wae, jare jae reta chekuaa kawi wi.

San Juan 21:17

Jare jei ye chupe mbapɨ wese ma: “Simón, Jonás taɨ, ¿cherau pa?” Añawe Pedro ipɨatɨtɨ, echa’ä mbapɨ wese ma Jesús upɨrandu chupe uau ra wae. Jayawe jei ye Jesús pe: “CheYa, nde ndikuaa opaete. Nde ndikuaa kawi che nduau ko,” jei chupe. Jare Jesús jei ye chupe: “Emɨngaru cheowecha mii reta,” jei chupe.

Hechos 27:31

Erëi Pablo jei sɨndaro reta pe jare itenondewa pe: “Kua reta upɨta’ä yawe chalana wasu pe, umanota ñonoï. Jare pe reta pemanota wi,” jei chupe reta.

Efesios 6:4

Jare añawe che jae tu reta pe wi kuärái: Awɨye tombopochɨkaño isambiaɨ reta ipotawe mbaembae re. Erëi tomboe reta jupi wae re, jare tumbɨarakuaa kawi reta kërái yandeYa uipota wae rupi.

1 Timoteo 3:12

Jare wi pëti kuimbae Cristo re wɨrowia wae reta imborɨarä tureko pëtiño kuña, jare tuyandareko kawi isambiaɨ reta re jare opaete jëta pe iko wae reta re.

2 Timoteo 1:5

Chemandúa aï wi nderé kërái nderowia Tumpa re añetete rewe. Jukuärái wi ndiyarɨ Loida wɨrowia kawi Tumpa re. Jare jae imembɨ kuña – jae ko ndesɨ Eunice – wɨrowia kawi wi Tumpa re. Jare aikuaa añetete ko nderowia kawi wi.

2 Timoteo 2:19

Erëi yepe tëi ime amokue wae reta opia ma Tumpa iñee añetete wae wi, erëi jesewe yemboe añetete wae Tumpa wi ou wae imeño ipɨrätaete jare uyepepɨka’ä etei. Jae ko pëti tëta iwapɨka ikawiete wae ita pewa rami. Jare kua yemboe iyɨpɨ ko kuärái: “Tumpa uikuaa kawi oï opaete kía jae imaerä iko wae reta,” jare, “Ipotawe kía jei, ‘Jesucristo ko jae cheYa,’ jei wae, tusɨrɨ ikawi mbae wae wi.” Jukuärái ko kua yemboe iyɨpɨ.

2 Timoteo 3:15

Nemandúa neï kërái nemichi wiwe ndikuaa Tumpa iñeerɨru pe uyekuatía oï wae. Jare jokua uyekuatía oï wae ko nembɨarakuaa kërái Tumpa yanderepɨ Jesucristo re yarowia wae rupiño.

Josué 24:15

“Erëi pipota’ä piyeyokui yawe Tumpa pe, jayawe kua ara etei piparawo kía pe piyeyokuita wae,” jei. “Pepuere piyapo peramɨkue reta uyapo wae rami. Echa’ä arakae rupi yureko reta yawe ɨwɨ Mesopotamia pe, umbɨadorase reta tumparaanga reta re. Ani pepuere piyeyokui amorreo reta kua ɨwɨ rupi yureko wae itumpa reta pe. Erëi che jare cherëta pewa reta ndiwe nduyeyokuita noï Tumpa ikoño mái wae pe,” jei Josué chupe reta.