Génesis 18:14 - Biblia

¹⁴ “Che ko jae Tumpa aikoño mái wae. Mbaetɨ ko mbae yawái chemaerä. Kërái che jae ndewe rami, ayu yeta apou aï ndepɨ kua wi ïruwe año pe. Jare Sara imeta ma imembɨ kuimbae,” jei Tumpa Abraham pe.

Génesis 18:14 Iomraidhean Croise

Génesis 17:16

“Jare chiñee rupi ayapota ikawi wae chupe, jare Sara rupi ameeta ndewe nderaɨrä. Añetete ko ayapota ikawi wae chupe jare Sara ikota jeta wae reta iyarɨrä. Jare amokue jae iñemoñaa reta ipɨte wi ikota mburuwicha wasu retarä,” jei chupe.

Génesis 17:21

“Erëitu ayapota aï kua yemɨngeta ikawi wae Isaac jare iñemoñaa reta ndiweño. Ïruwe año pe kua nunga ara rupi, oata oï Sara imembɨ Isaac,” jei Tumpa Abraham pe.

Génesis 18:10

Jayawe mboupa jei Abraham pe: “Kua wi ïruwe año pe ayu yeta aï. Jare nembireko Sara imembɨta ma oï kuimbae,” jei chupe. Jare Sara oï jae reta jaɨkue kotɨ jëta wakapi pewa japɨpe, jare uyapɨsaka wɨari oï jese öke wi.

Génesis 18:13

Jayawe Tumpa jei Abraham pe: “¿Maera pa upuka Sara? ¿Maera pa jae jei iyupe jae ko kuña indechiete ma wae, jare jei wi ndarau ma ipuere imembɨ?” jei.

Génesis 18:15

Erëi Sara jokua ñee uyandu yawe, ukɨye jare jei: “Che apuka’ä,” jei. Jayawe Tumpa jei chupe: “Añetete ko, ndepuka,” jei.

Génesis 21:1

Joko wi, pëti año ma uasa yawe, Tumpa uyapo jae jei wae rupi Sara pe.

Génesis 21:2

Yepe tëi Abraham indechi ma iko, jesewe jembireko Sara ipurúa jare oa imembɨ kuimbae kërái Tumpa jei chupe wae rupi.

San Mateo 14:31

Jayawe jupiwoiño Jesús uipɨsɨ Pedro ipo wi, jare jei chupe: “Michiete nderowia cheré. ¿Maera pa nderowia kawi’ä cheré?” jei chupe.

San Mateo 19:26

Jayawe Jesús umae jese reta, jare jei chupe reta: “Ɨwɨ pewa reta jaei ndarau kiawe ipuere uyerepɨ chuwi. Erëitu Tumpa ipuere uyapo chupe reta, echa’ä Tumpa pewarä mbaetɨ mbae yawái,” jei chupe reta.

San Mateo 3:9

“Jare awɨye pere pepɨa pe: ‘Tumpa ndarau uiporaraka chewe, echa’ä che ko jae Abraham iñemoñaa pewa ramo.’ Awɨye etei jokua pere, echa’ä Abraham iñemoñaa pewa yaiko wae mbae’ä ko. Jare Tumpa uipota yawe, kua ita reta wi ipuere uyapo Abraham iñemoñaa retarä,” jei chupe reta.

Marcos 10:27

Jayawe Jesús umae jese reta, jare jei chupe reta: “Ɨwɨ pewa reta jaei ndarau kiawe ipuere uyerepɨ chuwi. Erëitu Tumpa ipuere uyapo chupe reta, echa’ä Tumpa pewarä mbaetɨ mbae yawái,” jei chupe reta.

San Lucas 1:13

Jayawe araɨwa jei chupe: “Awɨye ekɨye, Zacarías,” jei. “Tumpa uyandu ma ndewe ndiyerure chupe wae, jare nembireko Elisabet imembɨta ndewe pëti kuimbae mii. Jare nde nembɨjeeta Juan,” jei.

San Lucas 1:18

Jayawe Zacarías jei araɨwa pe: “¿Këraita ra aikuaa añetete ra kua ndere neï chewe wae? Echa’ä che akuakuaaete ma ko jare chembireko parawete jae nunga wi,” jei chupe.

San Lucas 1:37

Echa’ä Tumpa pewarä mbaetɨ mbae awe yawái,” jei araɨwa María pe.

San Lucas 8:50

Erëi Jesús kua uyandu yawe, jei Jairo pe: “Awɨye ndepɨatɨtɨ. Erowiaño cheré. Nderayɨ ukuerata oï,” jei chupe. Jayawe opa yuraa reta Jairo jëta kotɨ.

Romanos 4:21

Abraham wɨrowiaete Tumpa imbaepuerete ko uyapo waerä opaete mbaembae jae jei uyapota iko wae.

Efesios 3:20

¡Tuyembutuichaka Tumpa jee! Echa’ä jae imbaepuere tuichaete wae rupi uparawɨkɨ oï yandepɨa pe. Jare jae ipuere uyapo jetaete mbaembae yaeka chupe wae wi jare jetaete mbaembae yandepɨayemɨngeta ueka wae wi.

Filipenses 3:21

Jae umbɨambɨeta oï yanderete kua ɨwɨ pewa ikawiete ye oï waerä jae jete imbaepuerete wae ara pewa rami. Jukuärái yandeYa uyapota oï jae imbaepuere tuichaete wae rupi. Kua ko jae mbaepuere jae ime onoi opaete mbaembae re wae.

Filipenses 4:13

Añetete opaete kua mbaembae che chepuere amɨawäta, echa’ä Cristo jekuaeño chemɨmɨräta oï ramo.

Hebreos 11:19

echa’ä jae wɨrowia uyuka yawe taɨ, Tumpa ipuere umbɨjekowe ye ueru chupe umanokue wae reta ipɨte wi. Jare jukuärái rami uyeyapo, echa’ä Abraham pewarä taɨ umanota tëi iko. Jare umano’ä ramo, ikowe ye ma ou chupe wae echa.