Génesis 18:1 - Biblia

¹ Abraham jare jëtara reta ndiwe yureko rambuewe pëti kuimbae Mamre jee wae iɨwɨrayapetururenda pe, Tumpa ikoño mái wae uyekuaa ye Abraham pe kuärái: Pëti ara Abraham uwapɨ uputuu iko jëta wakapi pewa jöke pe ara mbɨte rupi.

Génesis 18:1 Iomraidhean Croise

Génesis 12:7

Joko pe Tumpa uyekuaa Abram pe jare jei chupe: “Niñemoñaa reta pe ameeta aï kua ɨwɨ,” jei. Jayawe Abram joko pe uyapo pëti mbaerenda ita pewa Tumpa jee umbutuicha waerä, echa’ä joko pe Tumpa uyekuaa chupe ramo.

Génesis 13:18

Jayawe Abram jare jëtara reta ndiwe yuraa jare wɨraa jëta wakapi pewa reta koiño tëta wasu raɨ Hebrón jee wae wi. Jare yureko ɨwɨrayapetururenda pe. Pëti kuimbae Mamre jee wae, jae ko jokua ɨwɨrarenda iya. Jare joko pe Abram uyapo ambɨe mbaerenda ita pewa Tumpa jee umbutuicha waerä.

Génesis 15:1

Kua jaɨkue rupi, Tumpa umbɨpau echa Abram jare jei chupe: “Awɨye ekɨye, Abram. Che nduepɨta, jare ayandareko kawita nderé. Jare che numbɨyekoueteta nde,” jei Tumpa Abram pe.

Génesis 17:22

Jare Tumpa opa uyemɨngeta Abraham ndiwe yawe, oo ye chuwi.

Génesis 18:22

Jare mokui jokua mboupa reta oë yuraa Abraham oï wae wi yuraa tëta wasu Sodoma kotɨ. Erëi Abraham upɨtaño Tumpa jowai.

Éxodo 4:1

Jayawe Moisés jei Tumpa pe: “Erëi ndarau chererowia reta. Jare ndarau wi uyapɨsaka reta che jae wae re. Jae reta jeita chewe: “¿Këraita ra Tumpa uyekuaa ndewe?’ jeita chewe reta,” jei Moisés Tumpa pe.

Hechos 7:2

Jayawe Esteban omoë iñee joko pe ñonoï wae reta pe kuärái: “Cherëtara reta jare chemburuwicha reta, piyapɨsaka mii cheré,” jei. “Pikuaa kawi peï arakae yandeTumpa jupiete wae uyekuaa yanderamɨkue Abraham pe. Uyekuaa chupe ɨwɨ Mesopotamia pe joko pe Abraham iko yawe, ndei oo uyakao mbowe tëta wasu Harán pe.

Hebreos 11:9

Jare oo uwäe yawe jokua ɨwɨ pe, Abraham uyakao joko pe ipɨawiwe rewe. Echa’ä jae wɨrowia Tumpa re, jare Tumpa jei ma chupe: “Kua ɨwɨ ameeta aï ndewe ndeɨwɨrä jare niñemoñaa reta iɨwɨrä,” jei chupe. Jare Tumpa jukuäraiete jei wi Abraham taɨ Isaac pe jare jumɨmino Jacob pe. Erëi yepe tëi jae reta ko jokua ɨwɨ iyarä etei, erëi jesewe jekuaeño yureko joko pe o wakapi pewa pe ambɨe ɨwɨ pewa echa rami.

Hebreos 13:2

Jare jekuaeño pembɨasa kawi mboupa reta perëta pe, echa’ä jukuärái amokue wae reta umbɨasa ma jëta pe araɨwa reta uikuaa mbae rewe.