Génesis 17:21 - Biblia

²¹ “Erëitu ayapota aï kua yemɨngeta ikawi wae Isaac jare iñemoñaa reta ndiweño. Ïruwe año pe kua nunga ara rupi, oata oï Sara imembɨ Isaac,” jei Tumpa Abraham pe.

Génesis 17:21 Iomraidhean Croise

Génesis 17:19

Jayawe Tumpa jei chupe: “Kua yemɨngeta ayapo nde ndiwe wae, jae’ä ko Ismael pewarä. Echa’ä Sara etei imembɨta nemaerä jare nembɨjeeta Isaac. Jae jare iñemoñaa reta pewarä ko kua yemɨngeta jaeño mái pewa ayapo nde ndiwe wae,” jei chupe.

Génesis 18:10

Jayawe mboupa jei Abraham pe: “Kua wi ïruwe año pe ayu yeta aï. Jare nembireko Sara imembɨta ma oï kuimbae,” jei chupe. Jare Sara oï jae reta jaɨkue kotɨ jëta wakapi pewa japɨpe, jare uyapɨsaka wɨari oï jese öke wi.

Génesis 18:14

“Che ko jae Tumpa aikoño mái wae. Mbaetɨ ko mbae yawái chemaerä. Kërái che jae ndewe rami, ayu yeta apou aï ndepɨ kua wi ïruwe año pe. Jare Sara imeta ma imembɨ kuimbae,” jei Tumpa Abraham pe.

Génesis 21:1

Joko wi, pëti año ma uasa yawe, Tumpa uyapo jae jei wae rupi Sara pe.

Génesis 46:1

Jacob jare jëtara reta uyapɨkatu opaete imbaembae reta jare oë yuraa reta ɨwɨ Egipto kotɨ. Uwata reta rambuewe, yuraa uwäe reta tëta wasu Beerseba jee wae pe. Joko pe Jacob uyapo pëti mbaerenda ita pewa, jare uyuka mbaemɨmba oñono iáramo uapɨ umee waerä Tumpa pe – jae ko tu Isaac iTumpa wi.

Éxodo 2:24

Tumpa uyandu wi uyao reta wae, jare imandúa jokua yemɨngeta ikawi wae re arakae uyapo Abraham, jare Isaac, jare Jacob ndiwe wae.

Éxodo 3:6

“Che ko jae nderamɨkue reta Abraham, Isaac, jare Jacob iTumpa,” jei chupe. Jayawe Moisés uyandu yawe kua ñee, oñomi jowa ipo pe, echa’ä ukɨyete umae jese ramo.

San Lucas 1:55

Jukuärái jae jei yanderamɨkue Abraham pe. Echa’ä jei chupe: ‘Che aechakata aï ndewe jare niñemoñaa reta pe wi puparareko wae jaeño mái pewa,’ jei Tumpa Abraham pe.” Jukuärái jei María.

San Lucas 1:72

Tumpa uiparareko Abraham jare ïru yanderamɨkue reta, echa’ä jae iñakañɨ'ä jokua jae jei chupe reta wae wi.

Hechos 1:7

Jayawe Jesús jei chupe reta: “Ndarau pepuere pikuaa kërái yawe cheRu jokua uyapota oï wae. Jaeño cheRu jeita jokua re,” jei.

Gálatas 3:29

Jare pe reta Cristo pewa yawe, Abraham iñemoñaa reta pewa rami ko wi, echa’ä Cristo ko jae Abraham iñemoñaa. Jáeramo pe reta wi piyekouta peï mbaembae ikawi wae re Tumpa jei umeeta oï Abraham pe wae.

Hebreos 11:9

Jare oo uwäe yawe jokua ɨwɨ pe, Abraham uyakao joko pe ipɨawiwe rewe. Echa’ä jae wɨrowia Tumpa re, jare Tumpa jei ma chupe: “Kua ɨwɨ ameeta aï ndewe ndeɨwɨrä jare niñemoñaa reta iɨwɨrä,” jei chupe. Jare Tumpa jukuäraiete jei wi Abraham taɨ Isaac pe jare jumɨmino Jacob pe. Erëi yepe tëi jae reta ko jokua ɨwɨ iyarä etei, erëi jesewe jekuaeño yureko joko pe o wakapi pewa pe ambɨe ɨwɨ pewa echa rami.