Génesis 17:17 - Biblia

¹⁷ Jayawe Abraham uñeñono ɨwɨ re uipɨu rewe. Erëi ipɨa pe uyemɨngeta kua Tumpa jei wae rewa yawe, upuka: “¿Këraita ra chepuere amɨmembɨ chembireko ime ma anoi cien año rupi wae? Jare ¿ipuereta ra Sara imembɨ ime ma onoi noventa año rupi wae? Yawaiete ko,” jei uyemɨngeta ipɨa pe.

Génesis 17:17 Iomraidhean Croise

Génesis 17:18

Jayawe Abraham uyerure Tumpa pe: “Kërái moná ndiyapo Ismael pe jare jae iñemoñaa reta pe jokua mbaembae ikawiete wae ndere ma chewe wae,” jei chupe.

Génesis 17:3

Jayawe Abram uñeñono ɨwɨ re uipɨu rewe. Jare Tumpa jei chupe: “Che ayapo aï pëti yemɨngeta ikawi wae nde ndiwe. Jetaeteta ko niñemoñaa reta jare jae reta uyeyapota jeta ambɨe ɨwɨ pewa retarä,” jei chupe.

Génesis 18:11

Abraham jare Sara mokui rewe indechiete ma, jare uasa ma Sara wi iaño reta ipuereta tëi imembɨ wae.

Génesis 18:12

Jáeramo uyandu yawe mboupa jei wae, Sara upuka wɨari jare uyemɨngeta ipɨa pe: “¿Këraita ra ayembɨyerowia cheme ndiwe? Chendechiete ma jare cheme indechiete ma wi,” jei uyemɨngeta ipɨa pe.

Génesis 21:5

Isaac oa yawe, Abraham ime wɨreko pëti chiëto año.

Génesis 21:6

Jayawe Sara jei: “¡Tumpa chembupukaka ma yerowia rewe! Jare upukata wi che ndiwe opaete kía uyandu kua rewa wae,” jei.

Génesis 21:7

Jare Sara jei wi: “Yepe tëi opaete wae jei reta Abraham indechiete ma jare ndarau echa ipuere umee chewe chemembɨrä, erëi jesewe ambɨkambu aï chemembɨ kuimbae etei,” jei.

Números 14:5

Jokua ñee uyandu yawe, Moisés jare Aarón tuicha rupi ipɨatɨtɨ reta. Jáeramo uñeñono reta jowa ɨwɨ re opaete Israel iñemoñaa reta uyembatɨ ñonoï wae jowai.

San Mateo 2:11

Jayawe uike reta sambiaɨ oï wae pe jare uecha reta sambiaɨ jare ichɨ María ndiwe. Jayawe kuimbae reta uñeñono ɨwɨ re sambiaɨ jowai umbutuicha reta waerä. Jare joko wi pëti pëti wae uipea reta jewɨta umee waerä mbaembae ikawi wae sambiaɨ pewarä. Umee reta chupe oro jare mbaembae utimbo kawi wae jare jepɨete wae – jae ko incienso jare mirra jee wae.

San Lucas 1:18

Jayawe Zacarías jei araɨwa pe: “¿Këraita ra aikuaa añetete ra kua ndere neï chewe wae? Echa’ä che akuakuaaete ma ko jare chembireko parawete jae nunga wi,” jei chupe.

San Juan 8:56

“Jare perukue Abraham arakaete uikuaa kawi iko che ayuta aiko wae jare jae uyerowiaete iko jokua re. Tumpa uechaka chupe chewäe ara jare jae ipɨakatu iko jokua re,” jei Jesús chupe reta.

Apocalipsis 11:16

Jayawe aecha jokua veinticuatro mburuwicha reta uwapɨ ñonoï iwapɨa pe Tumpa jowai. Jare kua reta uñeñono ɨwɨ re umbutuicha waerä jae jee.

Apocalipsis 5:8

Jare tupapire onoi ma ipo pe yawe, jokua irundɨ mbae tekowe onoi wae reta jare jokua veinticuatro mburuwicha reta opa uñeñono ɨwɨ re Owecha kuimbae taurusu wae jowai uñemɨmichi rewe. Pëti pëti onoi reta arpa jare copa oro pewa, jare tɨnee onoi reta pɨpe mbae utimbo kawi wae. Jokua mbae utimbo kawi wae uyembɨjaanga oï Tumpa re wɨrowia wae reta uyerure chupe wae re.