Génesis 17:16 - Biblia

¹⁶ “Jare chiñee rupi ayapota ikawi wae chupe, jare Sara rupi ameeta ndewe nderaɨrä. Añetete ko ayapota ikawi wae chupe jare Sara ikota jeta wae reta iyarɨrä. Jare amokue jae iñemoñaa reta ipɨte wi ikota mburuwicha wasu retarä,” jei chupe.

Génesis 17:16 Iomraidhean Croise

Génesis 1:28

Jare Tumpa uyapo ikawi wae chupe reta iñee rupi jei rewe: “Piñemoña jeta jare pemɨtɨnee ɨwɨ, jare piporu opaete ɨwɨ. Jare penoi mbaepuere pira reta re, jare wɨra reta re, jare opaete mbaemɨmba reta re,” jei.

Génesis 12:2

Echa’ä ayapota aï niñemoñaa reta jetaete ye,” jei. “Ayapota aï ndewe ikawi wae chiñee rupi jare numɨeräkuakata aï opaete ɨwɨ rupi. Jare ïru wae reta uyekouta ñonoï jokua ndewe mbaembae ikawi wae ayapo wae re.

Génesis 15:4

Jayawe Tumpa jei chupe: “Eliezer pe upɨtata’ä nembaembae reta. Nderaɨ pe ko upɨtata oï,” jei.

Génesis 17:15

Jare Tumpa jei wi chupe: “Nembireko ndarau ye ma jee Sarai. Añawe wiwe jeeta Sara,” jei.

Génesis 17:19

Jayawe Tumpa jei chupe: “Kua yemɨngeta ayapo nde ndiwe wae, jae’ä ko Ismael pewarä. Echa’ä Sara etei imembɨta nemaerä jare nembɨjeeta Isaac. Jae jare iñemoñaa reta pewarä ko kua yemɨngeta jaeño mái pewa ayapo nde ndiwe wae,” jei chupe.

Génesis 17:6

Jetaeteta ko niñemoñaa reta, jare jae reta onoita mbaepuere jeta ïru ambɨe ɨwɨ reta re. Jare amokue niñemoñaa reta ipɨte wi ikota mburuwicha wasu retarä,” jei.

Génesis 21:1

Joko wi, pëti año ma uasa yawe, Tumpa uyapo jae jei wae rupi Sara pe.

Génesis 25:23

Jáeramo Tumpa jei chupe: “Nderɨe pe oï chowakiri raɨ reta,” jei. “Jare oa reta yawe, uyeyapota mokui tëta wasu iko tee wae iyɨpɨrä,” jei. “Pëti wae imbaepuereteta ïru wae wi. Jare pëti ara nemembɨ tenondewa uyeyokuita oï taɨkuewa pe,” jei Tumpa Rebeca pe.

Gálatas 4:23

Jokua täta uyeyokui wae imembɨ oa tu jare ichɨ jei wae rupiño. Erëi jokua uyeyokui mbae wae imembɨ oa Tumpa jei wae rupi.

1 Pedro 3:6

Yanemandúa kawi ñaï Sara re. Jae uyapo uipɨu rewe Abraham jei chupe wae rupi. Jukuärái wi kuña reta uyapo yawe ikawi wae jare mbaetɨ yawe ukɨye uyapo reta waerä ime jei chupe wae, oïta reta Sara rami.