Génesis 17:15 - Biblia

¹⁵ Jare Tumpa jei wi chupe: “Nembireko ndarau ye ma jee Sarai. Añawe wiwe jeeta Sara,” jei.

Génesis 17:15 Iomraidhean Croise

Génesis 11:29

Abram umenda Sarai jee wae ndiwe. Jare Najor umenda Milca jee wae ndiwe. Milca ko jae Harán tayɨ. Milca tɨke jae ko Isca jee wae.

Génesis 17:14

“Ipotawe kuimbae uyembɨcircuncidaka mbae wae chembae’ä ko. Jáeramo pemondo ye peyuwi, echa’ä jae uyapo’ä che jae wae rupi jeko pewa,” jei Tumpa Abraham pe.

Génesis 17:16

“Jare chiñee rupi ayapota ikawi wae chupe, jare Sara rupi ameeta ndewe nderaɨrä. Añetete ko ayapota ikawi wae chupe jare Sara ikota jeta wae reta iyarɨrä. Jare amokue jae iñemoñaa reta ipɨte wi ikota mburuwicha wasu retarä,” jei chupe.

Génesis 17:5

“Jare ndarau ye ma nderee Abram. Añawe wiwe nderee ko Abraham, echa’ä che nduyapota aï jeta ambɨe ɨwɨ pewa reta tamɨrä.

Génesis 32:28

Jare kuimbae jei Jacob pe: “Ndarau ye ma nderee Jacob. Echa’ä ndiyemboporowa ndepɨräta Tumpa ndiwe jare kuimbae reta ndiwe, jare opa ma ndepurumɨamɨri. Jáeramo añawe wiwe ko nderee Israel,” jei kuimbae Jacob pe.