Génesis 17:1 - Biblia

¹ Abram ime wɨreko noventa y nueve año yawe, Tumpa uyekuaa ye chupe jare jei chupe: “Che ko jae Tumpa chembaepuere tuichaete wae,” jei chupe. “Iñemɨïru kawi che ndiwe jare iyapo jupi waeño.

Génesis 17:1 Iomraidhean Croise

Génesis 12:1

Pëti ara Tumpa jei Abram pe: “Eë jare eya kua ndeɨwɨ jare nerëtáɨwa reta jare nderu jëta, jare ekua pëti ɨwɨ aikuaakata aï ndewe wae pe.

Génesis 12:7

Joko pe Tumpa uyekuaa Abram pe jare jei chupe: “Niñemoñaa reta pe ameeta aï kua ɨwɨ,” jei. Jayawe Abram joko pe uyapo pëti mbaerenda ita pewa Tumpa jee umbutuicha waerä, echa’ä joko pe Tumpa uyekuaa chupe ramo.

Génesis 16:16

Abram ime wɨreko ochenta y seis año yawe, oa taɨ Ismael.

Génesis 18:1

Abraham jare jëtara reta ndiwe yureko rambuewe pëti kuimbae Mamre jee wae iɨwɨrayapetururenda pe, Tumpa ikoño mái wae uyekuaa ye Abraham pe kuärái: Pëti ara Abraham uwapɨ uputuu iko jëta wakapi pewa jöke pe ara mbɨte rupi.

Génesis 18:14

“Che ko jae Tumpa aikoño mái wae. Mbaetɨ ko mbae yawái chemaerä. Kërái che jae ndewe rami, ayu yeta apou aï ndepɨ kua wi ïruwe año pe. Jare Sara imeta ma imembɨ kuimbae,” jei Tumpa Abraham pe.

Génesis 28:3

Jare Isaac jei wi Jacob pe: “Tumpa opaete mbaepuere onoi wae tumae nderé jare tumee ndewe jeta ndesambiaɨ retarä,” jei. “Joko wi niñemoñaa reta tuyeyapo jeta ambɨe ye ye ɨwɨ pewa retarä.

Génesis 43:14

Jare Jacob jei wi chupe reta: “Tumpa opaete mbaepuere onoi wae tuyapo mburuwicha pe ipɨakawi waerä yandewe, jare tumee ye yandewe Simeón jare Benjamín. Erëi umano chewi yawe cheraɨ reta, jukuärái jayawe tuiko. ¿Mbae ye ma pa che ayapota?” jei Jacob taɨ reta pe.

Génesis 46:3

Jayawe Tumpa jei Jacob pe: “Che ko jae Tumpa. Nderu Isaac iTumpa ko che. Awɨye ekɨye ndeo waerä ɨwɨ Egipto pe, echa’ä nde rupi joko pe ayapota aï jeta niñemoñaa reta,” jei chupe.

Génesis 5:22

Joko wi Matusalén oa wiwe, Enoc imeño uñemɨïru Tumpa ndiwe ïru 300 año ye, jare oa wi Enoc pe ïru taɨ reta jare tayɨ reta.

Génesis 5:24

Enoc uñemɨïru kawiñoi Tumpa ndiwe. Erëi pëti ara aramoiño uyekuaa’ä ma, echa’ä Tumpa wɨraa ɨwɨ wi jekowe rewe ramo.

Génesis 6:9

Kua ko Noé rewa: Noé iko ambɨe ye ïru wae reta wi. Jae ko pëti kuimbae jupi wae jare jeko mbae wae Tumpa jowai. Jae uñemɨïru kawi Tumpa ndiwe.

Éxodo 6:3

“Che aikuaaka Abraham, Isaac, jare Jacob pe che ko jae Tumpa opaete mbaepuere anoi wae. Erëi aikuaaka’ä chupe reta ïru cheree jae ko Tumpa ikoño mái wae,” jei.

San Mateo 19:26

Jayawe Jesús umae jese reta, jare jei chupe reta: “Ɨwɨ pewa reta jaei ndarau kiawe ipuere uyerepɨ chuwi. Erëitu Tumpa ipuere uyapo chupe reta, echa’ä Tumpa pewarä mbaetɨ mbae yawái,” jei chupe reta.

San Mateo 5:48

“Jayawe opaete kua mbaembae reta rupi pereko imeta ko oï wi peRu ara pe oï wae jeko jupi wae rami,” jei Jesús chupe reta.

San Lucas 1:6

Zacarías jare jembireko uyapo jupi wae Tumpa jowai, echa’ä yureko reta jupi opaete Tumpa jei wae rupi.

Hechos 23:1

Jayawe Pablo umae ngatu mburuwicha reta re jare jei: “Cherɨkeɨ reta, kua ara rewa chepɨawiwe aï Tumpa ndiwe,” jei.

Hechos 24:16

Jare kua che arowia ramo, che jekuaeño aipota aiko chepɨa chembɨjeko mbae rewe Tumpa jowai jare kuimbae reta jowai,” jei chupe.

Efesios 3:20

¡Tuyembutuichaka Tumpa jee! Echa’ä jae imbaepuere tuichaete wae rupi uparawɨkɨ oï yandepɨa pe. Jare jae ipuere uyapo jetaete mbaembae yaeka chupe wae wi jare jetaete mbaembae yandepɨayemɨngeta ueka wae wi.

Filipenses 4:13

Añetete opaete kua mbaembae che chepuere amɨawäta, echa’ä Cristo jekuaeño chemɨmɨräta oï ramo.

Hebreos 12:28

Jáeramo ñamee yasurupái Tumpa pe, echa’ä jokua jae umee oï yandewe wae, ndarau etei opa. Echa’ä jae umee oï yandewe ñaï waerä jae ndiwe jae oï ma yawe opaete wae imburuwicha wasurä jaeño mái pewa. Jáeramo yayeyokui Tumpa pe yaipɨu rewe yambɨyerowia waerä.

Hebreos 7:25

Jáeramo ime yawe kía uipota iko Tumpa ndiwe wae jare wɨrowia ma Jesús re wae, Jesús ipuerete uepɨ jaeño mái pewa. Echa’ä Jesús ikoño mái uyerure waerä Tumpa pe omborɨ reta waerä.