Génesis 15:9 - Biblia

⁹ Jayawe Tumpa jei chupe: “Ekua eru emee chewe pëti waka taurusu wae, jare pëti kapura kuña taurusu wae, jare pëti owecha kuimbae taurusu wae, pëti pëti mbapɨ año onoi wae. Jare eru wi chewe pëti yeruti taurusu wae, jare pëti pɨkasu taurusu wae wi,” jei chupe.

Génesis 15:9 Iomraidhean Croise

Génesis 15:10

Jayawe Abram uipɨsɨ ueru jokua reta jare uyuka opaete. Joko wi kɨse pɨpe umbɨperaso jokua mbapɨ mbaemɨmba reta mbɨte mbɨte rupi puku rupi. Jare omboyowaiyowai oñono ɨwɨ re upɨta waerä tape raɨ ipäu rupi. Erëi umbɨperaso’ä yeruti jare pɨkasu.

Génesis 15:8

Erëi Abram upɨrandu Tumpa pe: “CheYa Tumpa, ¿këraita pa aikuaa che ko jae kua ɨwɨ iyarä wae?” jei chupe.

Génesis 22:13

Jayawe Abraham uyerowa umae jaɨkue kotɨ jare uecha pëti owecha kuimbae upäa iko jäti rupi ñana tëɨ wae ipɨte pe. Jayawe Abraham oyora taɨ. Jare oo uipɨsɨ ueru jokua owecha kuimbae jare oñono mbaerenda iáramo. Joko wi uyuka uapɨ umee waerä Tumpa pe taɨ Isaac ipepɨka pe.

Levítico 1:3

‘Jare ueru yawe iwaka reta ipɨte wi uapɨka umee waerä Tumpa pe, Tumpa uyerowiata umae jese jae uyapo yawe kuärái: Tueru toro ipere mbaei wae tupao jöke jowai.