Génesis 15:2 - Biblia

^2-3 Erëi Abram jei chupe: “CheYa Tumpa, jaekawita’ä ko nde chembɨyekou waerä, echa’ä amanota aï cheraɨ mbae rewe ramo. Jare amano yawe, chepione reta itenondewa Eliezer – Damasco pewa ko – upɨtata opaete chembaembae reta chupe, echa’ä nemee’ä ma ko chewe pëti awe cheraɨrä,” jei.

Génesis 15:2 Iomraidhean Croise

Génesis 15:1

Kua jaɨkue rupi, Tumpa umbɨpau echa Abram jare jei chupe: “Awɨye ekɨye, Abram. Che nduepɨta, jare ayandareko kawita nderé. Jare che numbɨyekoueteta nde,” jei Tumpa Abram pe.

Génesis 25:21

Erëi Rebeca mbaetɨ imembɨ, echa’ä ipuere’ä imembɨ ramo. Jáeramo Isaac uyerure täta rupi Tumpa pe jembireko re. Jayawe Tumpa umee chupe jae uyerure wae rupi jare Rebeca ipurúa chowakiri reta.

Génesis 39:9

“Cheya umee chewe mbaepuere opaete ïru uyeyokui chupe wae reta re jare opaetei imbaembae reta re. Umbɨete’ä chewe mbae awe – jaeño nde, echa’ä nde ko jae jembireko ramo. Aipota’ä etei ayapo kua mbae kachi wae, echa’ä kua mbae kachi wae rupi ayawɨta Tumpa kotɨ etei,” jei José kuña pe.

Génesis 43:19

Jayawe yuraa uwäe reta José jëta jöke pe yawe, jare ndei uike o pe mbowe, oya reta jokua José pe uyeyokui wae re uyemɨngeta reta waerä jae ndiwe.

Génesis 44:1

Joko wi Benjamín jare tɨkeɨ reta uyeyapɨkatu yuraa ye waerä. Jokua rambuewe José oyokui jëta pe uparawɨkɨ wae reta itenondewa opa umɨtɨnee waerä chupe reta jewɨta jeta tembiurä, opaete ipuereta wɨraa reta wae rupi. Erëi José oyokui wɨari wi oñono ye waerä chupe reta ikorepoti tembiurä umbɨepɨ tëi reta wae pëti pëti wae jewɨta japɨpe.

Hechos 7:5

“Erëi Tumpa umee’ä Abraham pe iɨwɨrä jaeramo kua pe ou uwäe yawe. Umee’ä chupe ipɨ jendarä yepe,” jei. “Erëitu Tumpa jei umee ñotái iko chupe kua ɨwɨ jae jare iñemoñaa reta pewarä. Jukuärái jei Tumpa chupe ndei ime wɨreko mbowe taɨ,” jei Esteban chupe reta.